24 Korrik 2019

Sivjet me sistem të ri të raportimit dhe monitorimit të donacioneve

Prishtinë, 17 prill - Në takimin e Forumit të Nivelit të Lartë për Koordinimin e donacioneve të jashtme, ku mori pjesë Kryeministri Haradinaj, ambasadorë dhe donatorë, Ministrja e Integrimit Evropian, Dhurata Hoxha, potencoi se koordinimi i donacioneve të jashtme duhet të shndërrohet në pjesë përbërëse të planifikimit të politikave qeveritare, duke forcuar lidhjen në mes të këtyre proceseve.

Ministrja Hoxha ceku se gjatë këtij viti synohet përmirësim i ndjeshëm i planifikimit të brendshëm dhe përmirësimin në zbatimin e projekteve.

“Ne tashmë kemi bërë hapa për të përmirësuar procesin e koordinimit të donacioneve të jashtme, përmes ngritjes së sistemit të monitorimit dhe raportimit. Këtë sistem e kemi dizajnuar me ndihmën e projektit të financuar nga BE-ja “Project Preparation Facility”, potencoi Ministrja dhe prezantoi disa nga karakteristikat e sistemit.

Më pastaj, Ministrja ftoi për diskutime për të gjitha çështjet rreth asistencës zhvillimore në Kosovë.

Në diskutim morën pjesë përfaqësuesit e Institucioneve të Kosovës dhe tërë komuniteti i donatorëve në Kosovë.

“Kosova përfiton asistencë nga ana e donatorëve të jashtëm, si pjesë e asistencës zhvillimore për vendin. Sfida kryesore mbetet niveli i zbatimit të projekteve sipas afateve të planifikuara konform objektivave të përcaktuara nga Qeveria e Kosovës”, vuri në dukje Ministrja Hoxha.

Kemi hartuar Listën Prioritare të Projekteve Infrastrukturore, vuri në dukje Ministrja Hoxha, dhe shtoi se kjo listë është përgjigje ndaj procesit të Berlinit që ka parashtruar ndaj të gjitha vendeve të rajonit.

“Raportimi do të bazohet në zbatim, jo në disbursim. Gjatë këtij viti ne synojmë të kemi një tranzicion të plotë drejt sistemit të ri të monitorimit dhe raportimit”, vlerësoi Ministrja Hoxha, kjo mundëson që Qeveria të ndërhyjë në proces të zbatimit, e më pastaj prezantoi të dhënat se BE-ja vazhdon të jetë donatori kryesor, i pasuar nga Gjermania, ShBA, Zvicra dhe kështu me radhë”, vuri në pah Ministrja.

Ndërsa “sektori kryesor që ka përfituar nga donatorët është zhvillimi ekonomik, punësimi dhe mirëqenia, pasuar nga sundimi i ligjit”, potencoi Ministrja Hoxha duke treguar edhe përfitimet e komunave.

 

Kalendari

Ngjarjet e datës 24 korrik 2019

- Drejtoresha e Misionit të USAID-it në Kosovë, Lisa Magno, do të dëshmojë nënshkrimin e Memorandumit të Mirëkuptimit me 14 komuna të Kosovës. (Hotel Emerald, ora 10:00) 

- Ministri i Infrastrukturës dhe Transportit Pal Lekaj merr pjesë përurimin e zgjerimit dhe rehabilitimit të hyrjes së pikës kufitare Kosovë - Shqipëri, në Vërmicë. (Pika kufitare e Vërmicës, ora 10:30)

- Kryetari i Komunës së Gjilanit, Lutfi Haziri pret në takim drejtorin e UNHCR. (Zyra e Kryetarit Haziri, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim kryetarin e Komunës së Malisheves, Ragip Bega, më të cilin do të nënshkruajnë memorandume të bashkëpunimit për financimin e projekteve në fushën e mjedisit. (Kabineti i Ministrit, kati 17, ish objekti Rilindja, ora 11:00)

- Qendra Mediale me mbështetjen e Fondacionit të Kosovës për Shoqëri të Hapur organizon mbahet debatin publik, me temë: "Taksa 100 për qind - kush fitoi, e kush humbi dhe çfarë?". (Qendra Mediale në Çagllavicë, ora 11:00)

- Ministria e Diasporës dhe Investimeve Strategjike në bashkëpunim me Komunën e Prishtinës organizon panairin me punime artizanale, veshje kombëtare dhe ushqime tradicionale. (Sheshi “Skënderbeu”, ora 11:00)

 - Kryetari i Komunës së Gjilanit, Lutfi Haziri pret në takim Sam Paice, udhëheqës i sektorit për demokratizim në Ambasadën Britanike. (Zyra e Kryetarit Haziri, ora 11:30)

- Komuna e Gjilanit organizon ceremoninë e dorëzimi te donacionit për shëndetësi nga Besnik Benz. (Qendra Klinike e Mjeksësisë Familjare, ora 12:30)

- Lëvizja Vetëvendosje mban konferencë për media. (Zyrët e Vetëvendosjes, ora 13:00)