05 Gusht 2020

Sindikata kërkon përgjegjësi për skandalin e keqpërdorimit të pakos emergjente

Prishtinë, 2 korrik - Sindikata e Pavarur e Sektorit Privat të Kosovës (SPSPK) ka shprehur shqetësimin e saj lidhur me mos pagesën e pakos emergjente COVID19  për punëtorët.

Shumë bizenese të cilat edhe pse kanë punuar gjatë pandemisë kanë aplikuar për pakon emergjente dhe pasi u është paguar punëtorëve paga prej 170 euro nga shteti, kompania u a ka ndalur në pagë ato para.

Jusuf Azemi, Kryetar Sindikata e Pavarur e Sektorit Privat te Kosovës ka thënë së punëtorët e këtij sektori diskriminohen në kushte normale por edhe ne kushte emergjente.

"Kush është përgjegjës dhe kush dha përgjegjësi për skandalin e keqpërdorimit dhe mos pagesës së pakos emergjente, punëtorët e sektorit privat u diskriminuan vetëm ata", ka deklaruar Azemi.

Deputet parlamentit të Kosovës sipas tij janë komod sepse ata nuk qajnë kokën pse këta punëtor çdo ditë presin në bankat e tyre mos po dalin mjetet e premtuara nga Qeveria, këta bëjnë hajgare me shpresat e punëtorëve, e nuk ulen dhe te miratojnë rishikimin e buxhetit që qeveria të kryej obligimet e veta.

"Sindikata e mirëpret iniciativën e qeveris së Kosovës për  tërheqjen e 10% të trustit pensional nga punëtorët por çka të tërheqim ne ku pronarët e kompanive në 50% të rasteve nuk ju kanë pagua fare punëtorëve trust, edhe ata që kanë pagua e kanë bërë në një masë simbolike, nuk thonë rastësisht i varfëri gjithë duhet te jetë i varfër, duke ju “falënderua” institucioneve tona", ka vlerësuar në fund Azemi.
 

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00)