13 Nëntor 2019

Sindikata kërkon fond për rastet e punëtorëve që vdesin në vendet e punës

Prishtinë, 19 qershor - Sindikata e Pavarur e Sektorit Privat të Kosovës (SPSPK), kërkon nga Qeveria e Kosovës që të ndajë një fond simbolik për rastet e punëtorëve që po vdesin në vendet e tyre të punës.

Kryetari i SPSPK-së, Jusuf Azemi ka thënë se kjo shumë vjetore e cila do të ishte rreth 100 mije euro e cila sa do pak do të ishte një ngushëllim simbolik i shtetit tonë ndaj kësaj kategorie te punëtorëve.

"Duke u nisur nga fakti se siguria në punë nuk është në nivelin e duhur, dhe pothuajse 95% te rasteve të vdekjeve ne vendin e tyre te punës i takojnë kategorisë më të ulët sociale, dhe ku shpesh here familjet e këtyre rasteve ballafaqohen edhe me mungesën e mjeteve për ceremoninë e varrimit si dhe traditën e pamjeve që ne e praktikojmë", ka theksuar Azemi.

Duke u nisur edhe nga  zhagitjet e mëdha të proceduarve ligjore deri ne 7 vite për përfundimin e proceduarave ligjore shpesh herë këto familje sipas tij vinë buzë greminës ekzistenciale.

"Ne ju inkurajojmë që të merreni me këtë problematik, në të kundërtën ne si sindikatë jemi të obliguar që të krijojmë një fond te veçantë për punëtorët e vdekur në vendet e tyre të punës sepse ne nuk mund të jemi spektator të ngjarjeve", ka pohuar Azemi.




 

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)