27 Shtator 2020

SHBA miraton 2 trilionë dollarë ndihmë ekonomike kundër koronavirusi

Washington, 25 mars - Drejtuesit e Shtëpisë së Bardhë dhe Senatit arritën marrëveshje historike pas mesnate mbi një paketë të ndihmës ekonomike prej 2 trilionë dollarëve lidhur me shpërthimin e koronavirusit, duke i dhënë fund polemikave të nxehta midis demokratëve dhe republikanëve.

"Zonja dhe zotërinj, i dhamë fund", tha drejtori i çështjeve legjislative të Shtëpisë së Bardhë, Eric Ueland, derisa u largua nga zyra e udhëheqësit të shumicës së Senatit, Mitch McConnell, republikan nga Kentucky.

Lideri i pakicës së Senatit, Chuck Schumer, tha se kjo pako do t'u mundësojë kompanive të kalojnë pandeminë dhe të ndihmojnë familjet amerikane.

Sipas “Los Angeles Times”, pakoja përfshin pagesë të drejtpërdrejt për amerikanët dhe një fond gjysmë trilion dollarësh për korporatat amerikane.

Detajet e plota nuk janë publikuar.

Gjithsej 163 persona kanë vdekur të martën, duke çuar numrin e vdekjeve në SHBA në 700, pasi Organizata Botërore e Shëndetësisë paralajmëroi se vendi mund të jetë epiqendra tjetër e koronavirusit me mbi 50 mijë raste të infeksionit.

Ekonomia e SHBA-ve ka rënë kur pandemia e koronavirusit u përhap brenda kufijve të saj, me të tre indekset e aksioneve që tregojnë humbje të mëdha pas niveleve të larta të të gjitha kohërave në fillim të këtij viti

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)