13 Nëntor 2019

Sahin bën thirrje për dyfishim të investimeve në fëmijë

Prishtinë, 1 qershor - 1 Qershori është thirrje për të gjithë ne që t’i shqyrtojmë pozicionet tona, t’i rishikojmë investimet dhe politikat tona dhe të drejtohemi drejt investimeve për një jetë më të mirë për fëmijët tanë.

Përmes një deklarate për media shefi i zyrës së UNICEF në Kosovë, Murat Sahin ka thënë së fëmijët janë katalizatorët e ndryshimit në shoqëri. I falendëroj të rinjtë dhe potencialin e tyre, dëshmitar i së cilës kam qenë personalisht që nga dita e parë kur erdha në Kosovë.

"Në prill të këtij viti, mora pjesë në një nga aktivitetet më të mëdha të UNICEF-it, Aktivizo Bisedat (Activate Talks), ku na u bashkua edhe Rita Ora."

"Kemi parë 400 të rinj nga e gjithë Kosova duke e realizuar potencialin e tyre. Këta fëmijë kanë pasur sfida të shumta në jetën e tyre, por ata kanë gjetur zgjidhje."

"Kam parë fëmijë me aftësi të kufizuara, të cilët nuk kanë hequr dorë dhe janë bërë frymëzim për bashkëmoshatarët e tyre me projekte dhe zgjidhje të reja që kanë hartuar për komunitetet e tyre."

"Midis tyre ishte Riad Mehmeti, një djalë i ri që na tregoi se kufizimet personale nuk janë pengesë për të realizuar ëndrrat tona - jo kur kemi njerëz që na mbështesin, na shtyjnë përpara dhe na thonë se nuk duhet të heqim dorë."

"Riadi u bë zëri i fëmijëve me aftësi të kufizuara në Parlamentin Europian, ku me një fjalim mahnitës, ai bëri thirrje për më shumë investime në të drejtat e fëmijëve me aftësi të kufizuara", ka theksuar Sahin.

Megjithatë sipas tij pak përparim është bërë për të drejtat e personave me aftësi të kufizuara dhe integrimi i tyre në shoqëri mbetet sfidë për shkak të mbështetjes së kufizuar, shërbimeve shëndetësore joadekuate dhe qasjes së dobët në shërbimet ekzistuese. Kosova duhet të sigurojë që fëmijët me aftësi të kufizuara të ndjekin shkollat ​​publike krahas bashkëmoshatarëve të tyre.

"Është thjesht moralisht e papranueshme që në një Kosovë me nivelin e burimeve, njohurive, teknologjisë dhe fondeve të donatorëve që janë në dispozicion, ende të ekzistojnë 20% e fëmijëve që jetojnë në varfëri", pohon me tutje Sahin.

Regjistrimi në arsimin fillor dhe të mesëm të ulët është pothuajse i përgjithshëm (95.6%).

Numri i fëmijëve të moshës 0-5 vjeç që ndjekin institucionet e licencuara të arsimit parashkollor sipas tij mbetet shumë i ulët (4.9%), rreth 19.1% ndjekin arsimin parashkollor dhe parafillor (0-6 vjeç).

Ai konsideron se investimi në sektorët kryesorë socialë duhet të jetë obligim etik për çdo vend që mbështet të drejtat e njeriut.

Për më tepër sipasj tij Konventa e të Drejtave të Fëmijëve (e cila përfshihet në Kushtetutën e Kosovës) detyron të dyja qeveritë dhe bashkësinë ndërkombëtare që të kontribuojnë në arritjen e të drejtave të fëmijëve, duke përfshirë dispozitat që lidhen me këto të drejta në kornizat dhe programet ligjore kombëtare dhe politikëbërëse si dhe në planet e shpenzimeve.

"Për fat të keq, kur mbërrita në Kosovë, nuk pashë vetëm gjëra pozitive. Derisa Riadi dhe bashkëmoshatarët e tij nga të gjitha komunitetet në Kosovë po merrnin pjesë në aktivitetin e UNICEF-it, Aktivizo Bisedat, një vajzë rome 16 vjeçare po kujdesej për fëmijën e saj, në vend që të argëtohej bashkë me bashkëmoshatarët e saj. Ajo po qëndronte në dhomën e pritjes në një klinikë në fshatin Magure për të vaksinuar foshnjën e saj të parë."

"Kur e takova për herë të parë, ajo mbante foshnjën e saj derisa një infermiere po përpiqej ta vaksinonte. Mendova se foshnja ishte motra e saj, por infermierja më tha se në fakt ajo ishte nëna e saj. E shikoja dhe shihja një fëmijë tek po e mbante foshnjën e saj në krahë."

"Ajo gjithashtu jetonte në kushte të vështira ekonomike. Ishte shumë e dhimbshme të jesh dëshmitar i gjithë kësaj. Dhe në të njëjtën kohë, ishte një sinjal alarmant për të gjithë ne, sepse kjo na tregon se ende ka shumë punë për t'u bërë", ka treguar Sahin.

Në total, rreth 35,000 romë, ashkali dhe egjiptianë jetojnë në Kosovë. Nga ky numër, rreth 17,000 janë fëmijë prej 0-19 vjeç, ose rreth 48% të numrit të përgjithshëm të komuniteteve rom, ashkali dhe egjiptian.

UNICEF-i është i angazhuar që të bëjë më shumë, së bashku me të gjithë ju, qeverinë, institucionet publike, shoqërinë civile, shtresën akademike dhe bizneset private. Të gjithë duhet të na ndihmoni për të krijuar një botë më të mirë për fëmijët.

 Dje u lansua Strategjia dhe Plani i Veprimit për Mbrojtjen e Fëmijëve, gjë që UNICEF-i e ka përkrahur me entuziazëm të madh.

"Ne do ta mbështesim zbatimin e planit strategjik dhe të veprimit që do të avancojë më tej realizimin e të drejtave të fëmijëve në Kosovë."

"U bëj thirrje që ta dyfishojmë investimin tonë për fëmijët sidomos në arsimin e hershëm të tyre dhe në ngritjen e cilësisë së arsimit për të rinjtë në Kosovë", ka thënë në fund Sahin.

 

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)