Washington, 11 shkurt - Sekretari amerikan i Thesarit, Timothy Geithner theksoi se rritja ekonomike e SHBA-së do të jetë rreth tre deri në katër për qind në 2011 dhe 2012.

''Rritja e Prodhimit të Brendshëm Bruto do të arrijë deri në tre dhe katër për qind në dy vitet e ardhshme'', deklaroi Geithner me rastin e një takimi publik kushtuar punës.

Për Geithner, "gjërat po përmirësohen progresivisht, por rritja ekonomike e vendit nuk do të ketë përmirësim përsa i përket frontit të papunësisë që ka prekur rreth nëntë për qind të aktiveve në muajin janar''.

Qeveria do të publikojë më 14 shkurt një parashikim të rritjes ekonomike me projekt ligjin e buxhetit për vitin fiskal 2012.