10 Korrik 2020

Rikonfirmohet përkushtimi i Francës për mbështetjen e Kosovës

Prishtinë, 20 shkurt - Ministri i Financave Besnik Bislimi ka pritur sot në takim njoftues ambasadoren e Francës në Kosovë Marie-Christine BUTEL, me të cilën biseduan për bashkëpunimin ndërshtetërorë dhe institucional.

Me këtë rast, Ministri Bislimi e falënderoi Ambasadoren BUTEL për mbështetjen që shteti francez i ka dhënë deri më tani Kosovës në fushën e zhvillimit veçanërisht për projektet të cilat lidhen drejtpërsëdrejti me jetën e qytetarëve të Kosovës.

Ministri Bislimi gjithashtu e njoftoi Ambasadoren BUTEL për stabilitetin makrofiskal, për politikat zhvillimore të Qeverisë Kurti si dhe për përgatitjen e Buxhetit për vitin 2020.

Ndërsa, ambasadorja e Francës në Kosovë Marie-Christine Butel e uroi ministrin Besnik Bislimi për detyrën e re dhe rikonfirmoi përkushtimin e shtetit të Francës për mbështetjen e Kosovës në zhvillimin e projekteve të cilat ndikojnë në mirëqenien e qytetarëve të Kosovës si dhe në zhvillimin ekonomik të vendit.

Kalendari

Ngjarjet e datës 10 Korrik 2020

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)