10 Dhjetor 2019

Qyteti i bizneseve, Ferizaji, me shumë probleme biznesore

Ferizaj, 13 nëntor - Preokupim i të gjitha bizneseve është se Qeveria e Kosovës duke tentuar që të mbajë buxhetin e konsoliduar dhe duke i orientuar invstimet jo në drejtimin e duhur, është duke i dëmtuar bizneset dhe vendin dhe kjo po ndikon në mosrritjen e eksportit dhe prodhimit vendor si dhe mosrritjen e punësimit, u tha kësaj radhe në “Kafja e mengjësit” organizuar nga Oda e Afarizmit të Kosovës (OAK) që u mbajt në qytetin e Ferizajit, dhe ku të pranishëm kanë qenë dhjetëra biznese të këtij regjioni me qëllim të identifikimit të shqetësimeve të bizneseve të Ferizajit.

Kryetari i Bordit të OAK-së, Skënder Krasniqi falënderoi bizneset për pjesëmarrjen e tyre në këtë organizim dhe informoi të pranishmit mbi propozimet për qeverinë e re, të dërguara nga Oda e Afarizmit të Kosovës e të cilat përfshijnë disa nga sferat kryesore në të cilat bizneset po hasin probleme.

Ndër propozimet e Odës së Afarizmit të Kosovës drejtuar të gjitha partive politike para fushatës zgjedhore përfshihet ndryshimi i udhëzimeve administrative të Ministrisë së Bujqësisë, ndryshimi i projektiligjit për Miniera dhe Minerale, ligjit të punës, ligjit për pushimin e lehonisë, largimi i taksës ekologjike për rimorkio dhe krijimi i ofertave për të bërit biznes në Kosovë dhe shumë e shumë të tjera, theksoi Krasniqi.

Ndërsa anëtari i Bordit, Hysni Zogaj shtoi që bashkimi i bizneseve është më se i nevojshëm dhe së bashku mund të arrihet më lehtë tejkalimi i sfidave që bizneseve ju paraqiten.

Pronari i biznesit Plus Center, Sylejman Neziri përgëzoi iniciativën e OAK- së për të mbledhur të gjitha bizneset e Ferizajit në një vend, dhe shtoi që monopolizimi në Kosovë po shkatërron bizneset dhe se duhet rritur interesimi i konsumimit të produkteve vendore dhe sa më pak të vendeve të tjera.

Përfaqësuesi i biznesit anëtar “Pofix” SH.P.K., Sadat Abazi veçoi problemet që po hasin bizeset me tahograf gjatë eksportit.

Ndërsa, Amir Musliu nga “Elsam” SH.P.K. u fokusua më shumë tek procedurat për eksportim të produkteve dhe problemet me procedurat për garancionë bankare. Ndër të tjera Musliu shtoi që investitorët e huaj shpeshëherë nuk janë të informuar që tatimi në fitim në Kosovë është vetëm 10%.

Përfaqësuesi i biznesit “Silca Group” SH.A, Adnan Ibrahimi, vlerësoi lartë organizimin e Odës duke shtuar që ka qenë më se e nevojshme për bizneset e Ferizajit të mbledhen së bashku dhe të diskutojnë sfidat. Tutje ai shtoi që mungesa e Ligjit për Tregti të Brendshme po i dëmton bizneset dhe se gjatë eksportit të ujit në Shqipëri bizneset obligohen të pagujanë taksë për plastikë, gjë e cila nuk aplikohet nga Kosova karrshi Shqipërisë.

Biznesi “Cornet Kosova” SH.P.K. shprehi problemet që kanë bizneset e pjesës Babush të Ferizajit me ndalesat e rrymës, që po i dëmtojnë në prodhimtari.

Faton Nuredini nga “Toni Mermer” SH.P.K. përkrahi propozimet e Odës për inkasimin e mjeteve dhe që gjykata ekonomike duhet të kthehet, ndërsa shtoi që duhet të krijohet një sistem që publikoj raportet e bizneseve, në mënyrë që të dihet gjendja e tyre.

Në këtë takim Oda e Afarizmit të Kosovës u përfaqësua nga: Kryetari i Bordit, Skënder Krasiqi, anëtari i Bordit, Hysni Zogaj, Zyrtaret Mirjeta Shala, Rreze Cana dhe Zgjim Prebreza.  

Kalendari

Ngjarjet e datës 10 dhjetor 2019 - Ambasada e Francës në Kosovë, në bashkëpunim me OJQ-në Grupi kosovar për  Avokim, organizon një konferencë me fokus dhunën në baza gjinore, kundër grave nga pakicat rome, ashkali dhe egjiptiane. (Aleanca Franceze në Prishtinë, ora 9:30)

- Open Data Kosovo së bashku me Zyrën e Bashkimit Evropian organizon sesionin me titull "Si mund teknologjia të promovoj qeverisje të mirë të institucioneve publike". (Shtëpia e Europes, ora 9:30)

- Ambasadori i Shteteve te Bashkuara të Amerikës, Philip S. Kosnett, do të flasë në hapjen e Konferencës mbi Dezinformimin. (Hoteli Emerald, ora 10:00)

- Këshillit Prokurorial do të bën lansimin e ndërlidhjes së sistemeve elektronike të Prokurorit të Shtetit, prokurorive dhe Policisë së Kosovës. (Salla e takimeve te Këshillit Prokurorial, ora 10:00)

- Koalicioni i OJQ-ve për Javën Kundër Korrupsion organizon tryezë diskutimi lidhur me transparencen në financimin dhe në procesin e auditimit të partive politike, si qëndron Kosova në këtë aspekt?. (Hotel Sirius, ora 10:00)

- Me rastin e shënimit të Ditës Ndërkombëtare të të Drejtave të Njeriut, Avokati i Popullit do të publikoj udhërrëfyesin elektronik për të drejtat e njeriut. (Bibloteka Kombëtare, ora 10:00)

- Sindikata e Zjarrfikësve të Kosovës organizon konferencë për shtyp lidhur me situaten e krijuar dhe problemet qe ballafaqohet ky shërbim Emergjent, si dhe situata e krijuar e pa kjart dhe konfuze qe pritet ta percjell edhe ne vitin qe vjenë. (Lokalet e BSPK-es, ora 11-të) 

- Presidenti i Republikës së Kosovës, Hashim Thaçi, do të bëjë homazhe në  Kompleksin Përkujtimor në Reçak. (Kompleksi Përkujtimor në Reçak, ora 11:30)

- Avokati i Popullit në bashkëpunim me shoqërinë civile në Kosovë për nder të shënimit të të Ditës Ndërkombëtare për të Drejtat e Njeriut organizon marshin me moton “Çohu për të Drejtat e Njeriut”. (Sheshi “Skënderbeu”, ora 12:00)

- Ministri i Punëve të Jashtme i Republikës së Kosovës, Behgjet Pacolli do të mbajë konference për media. (Ministria e Punëve të Jashtme, ora 14:00)

- Ministria e Infrastrukturës dhe Transportit nënshkruan kontratat e para në kuadër të projektit “Ndërtimi i rrugëve rajonale të Kosovës”, i financuar nga Banka Evropiane për Rindërtim dhe Zhvillim. (Kabineti i Ministrit te Infrastrukturës dhe Transportit, ora 14:00)

- Koalicioni i OJQ-ve për Javën Kundër Korrupsion organizon tryezë diskutimi lidhur me amnistinë e korrupsinit të profilit të lartë - "sinjalizimet e padegjuara të korrupsionit nga drejtesia'. (Hotel Sirius, ora 14:00)

- Muzeu i Kosovës organizon hapjen e ekspozitës "Gjenocidi XX, ta kujtojmë të kaluarën, ta ndërtojmë të ardhmen" me autor Enver Hoxha. (Muzeu i Kosovës, ora 16:00)