20 Prill 2019

Qeveria miraton Projektligjin për Tatimin mbi Vlerën e shtuar

Prishtinë, 19 tetor - Qeveria e Republikës së Kosovës ka marrë sot një nga vendimet më të rëndësishme për ekonominë e vendit, duke miratuar Projektligjin për tatimin mbi vlerën e shtuar.

Projektligji adreson rregullimin e sistemit të Tatimit mbi Vlerën e Shtuar (TVSH) në territorin e Republikës së Kosovës, sistem i cili përfshinë aplikimin e tatimit të përgjithshëm në konsum për mallra dhe shërbime. Projektligji vlerësohet si pjesa më e rëndësishme e reformës fiskale të Qeverisë dhe ofron lehtësi dhe lirime që do të ndihmojnë zhvillimin e biznesit në vend.

TVSH është e përshkallëzuar në dy norma, atë standarde prej 18% dhe normën e reduktuar prej 8%, të vlerës së furnizimeve të importuara dhe furnizimeve të brendshme të tatueshme, me përjashtim të furnizimeve të liruara dhe furnizimeve të trajtuara si eksporte. TVSH-ja llogaritet në çmim sipas normës së aplikueshme, ngarkohet në mallra dhe shërbime, e që bartet nga konsumatori i fundit.

Qeveria e Republikës së Kosovës ka miratuar vendimin për kursimin, ndarjen dhe transferime buxhetore të organizatave, në pajtim me nenin 15 të Ligjit për Buxhetin e vitit 2018. Me këtë vendim operacionalizohen shpenzimet buxhetore për vitin 2018 duke bërë të mundshëm realizimin dhe implementimin e politikave qeveritare gjatë këtij viti.

Kabineti qeveritar ka miratuar vendimin për miratimin e nismës të Ministrisë së Financave për negocimin e marrëveshjes ndërkombëtare të Qeverisë së Republikës së Kosovës dhe Asociacionit Ndërkombëtar për Zhvillim për financim e “Projektit për patundshmëri dhe infrastrukturë gjeohapësinore”. Marrëveshja siguron një kredi të favorshme në vlerë 16,5 milionë dollarë dhe do të shërbejë në implementimin  e këtij projekti.

Në mbledhjen e sotme, Qeveria e Republikës së Kosovës ka miratuar kërkesën për ndarje të mjeteve financiare për Trupin Koordinues të lobimit për anëtarësimin e Kosovës në INTERPOL.

Kalendari

Ngjarjet e datës 20 prill 2019 - Federata e pingpongut të Kosovës do të organizojë Turneun memorial për të rinjë "Bedri Ajeti". (Pallati i sporteve në Prishtinë, ora 9:30)

- Lëvizja Vetëvendosje mban konferencë për media! (Selia e Vetëndosje, ora 10:00)

- Ministri i Drejtësisë, Abelard Tahiri mban konferencë për media. (Press Qendra në Ndërtesën e Zyrës së Kryeministrit, ora 10:00)

- Alternativa mban konferencën e radhës të partisë në të cilën prezanton të gjetura dhe rekomandime për gjendjen mjedisore në Kosovë. (Zyret e partisë Alternativa. ora 10:00)

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Dëshmorëve të Brigadës 136 Rugova, që organizohet nën patronatin e kryeministrit. (Teatri “Istref Begolli” në Pejë, ora 11:00)

- Prokuroria Speciale e Republikës së Kosovës organizon Konferencë për media lidhur me kthimin e shtetasëve kosovarë nga Siria. (Objekti i Prokurorit të Shtetit, ora 12:30)

- Biznesi anëtarë në Odën e Afarizmit të Kosovës “Altera”, bën promovimin e librit të autorit Bashmir Xhemaj, “Një shqiptar në CIA - dy jetët e Destan Berishës”. (Libraria Altera në Prizren, ora 13:00)

- Lansohet projekti #Forheroines. (Para monumentit “Heroinat” në Prishtinë, ora 13:00)

- Shoqata Atlantiku mbanë konferencë përmbyllëse për media në të cilën përfaqësuesi i shoqatës Gani Shehu, do të pasqyrojë ngjarjet që kanë shënuar 20-vjetorin e ‘Batalionit Atlantiku’, mesazhin kyç dhe vizionin për angazhimet në të ardhmen. (Hotel Grand, ora 14:00)