08 Dhjetor 2019

PSD kërkon që paga minimale të rritet urgjentisht në 250 euro

Prishtinë, 15 prill - Partia Socialdemokrate (PSD) vlerëson se një punëtore, nënë e dy fëmijëve, burrin të papunë, me pagë minimale prej 170 euro në muaj, i bie t’i ketë jo më shumë se 1 euro e 40 cent në ditë për anëtar të familjes. 

Visar Ymeri, deputet dhe nënkryetar i PSD-së ka thënë se me këto 1.4 euro në ditë, një familje të tillë i bie që të vendos: një muaj të ushqehen e ta lënë anash veshmbathjen.

Muajin tjetër sipas tij duhet t’i paguajnë disa prej faturave, rrymë, ujë, etj, dhe ta lënë anash veshmbathjen e ta reduktojmë ushqimin. Një muaj tjetër pastaj të shpenzojmë në barna, dhe t’i lëmë anash të gjitha.

Një vështirësi e tillë ekzistenciale është përditshmëri për shumë familje me nga një të punësuar në Republikën e Kosovës. Këta, përveç se të varfër janë të harruar nga institucionet.

Kanë kaluar saktësisht 70 ditë, nga 4 shkurti i këtij viti, kur është dorëzuar kërkesa për interpelancë nga Partia Socialdemokrate për diskutimin e pagës minimale në Kosovë dhe në Kuvend kësaj çështje ende nuk i ka ardhur radha.

 “Kanë kaluar saktësisht 9 vjet e 105 ditë prej kur institucionet e Kosovës janë marrë me çështjen e pagës minimale dhe kështu kanë harruar të kujdesen për vështirësitë ekzistenciale dhe përditshmërinë e punëtorëve në Kosovë”, tha Visar Ymeri, deputet dhe nënkryetar i PSD-së.

 “Të jesh i rrezikuar nga varfëria do të thotë të mos kesh ushqim të mjaftueshëm; do të thotë të jesh i uritur ose të ushqehesh me ushqim që nuk mban kaloritë e nevojshme dhe nuk i shëndetshëm, të jesh i rrezikuar do të thotë  të mos mbërrish fundin e muajit pa e hapur fletoren e huasë tek dyqani i lagjes”, shtoi më tutje Ymeri. 

Ai poashtu prezantoi propozime konkrete sesi mund të përditësohet dhe funksionalizohet paga minimale, si në vijim: duhet të ndërmirret masë urgjente që paga minimale të rritet në shumën prej 250 euro dhe kjo rritje duhet të përfshijë të gjithë të punësuarit pa dallim moshe dhe gjinie.

“Ne duhet të kalojmë nga koncepti i pagës minimale tek ai i pagës për të jetuar. Pra nga paga për të mbetë gjallë, te paga për të jetuar më mirë”, shtoi për fund Ymeri.

Kalendari

Ngjarjet e datës 8 dhjetor 2019 - Federata e pingpongut organizon 7 xhirot e TOP 8 për Senioret më të mira të Kosovës për vitin 2019. (Palestrae Sporteve në Prishtinë, ora 13:00)

- Kryeministri në detyrë, Ramush Haradinaj, mbanë konferencë për media. (Ndërtesa e Qeverisë, ora 15:00)

- Mbahet koncert humanitar i Krishtlindjes me grupin muzikor amerikan "The Hall Sisters" ku fondet e mbledhura do të përdoren për familjarët nga Shqipëria që janë strehuar si pasojë e termetit. (Teatrin Kombëtar i Kosovës, ora 19:30)