04 Qershor 2020

Prezantohen barrierat e grave në ekonomi dhenë vendin e punës

Prishtinë, 7 dhjetor - Instituti Riinvest në bashkëpunim me USAID-in organizon sot tryezë “Drejt Fuqizimit: Faktorët që ndikojnë në vendimet ekonomike të grave në Kosovë" në të cilën do të prezantohet raporti i hulumtimit mbi barrierat ndaj pjesëmarrjes ekonomike të grave në Kosovë

Në këtë tryezë do të prezantohen gjetjet e hulumtimit mbi tejkalimin e barrierave të mospjesëmarrjes ekonomike të grave dhe barrierave në vendin e punës.

Gjetjet e raportit bazohen në të dhënat e mbledhura nga anketa me 500 gra anembanë Kosovës, e cila është fokusuar në ndryshimet potenciale të politikave dhe hapave qe duhen ndërmarrë për të ulur pengesat për kyçjën në tregun e punës dhe pengesat që lidhen me mjedisin e punës.

Rezultatet nga analiza e të dhënave ofrojnë hapa konkret për rritjen e nivelit të pjesëmarrjes së grave në ekonomi dhe uljen e pengesave në vendin e punës.

USAID-i përmes aktivitetit të tij Angazhimi për Barazi ka financuar Institutin Riinvest për të realizuar një raport studimor lidhur me pengesat ndaj angazhimit ekonomik të grave, si dhe të prezantojë politikat dhe veprimet e mundshme që do të ulnin pengesat ndaj hyrjes në tregun e punës. 

Raporti përbën pjesën e parë të një fushate të gjerë avokimi e cila ka për qëllim mbylljen e hendekut në mes propozimeve të politikave dhe zbatimit, dhe ofrimin e mundësive më të mira për përfshirjen ekonomike të grave. 

Raporti bazohet në të dhënat e grumbulluara nga një sondazh i 500 grave anembanë Kosovës. 

Kalendari

Ngjarjet e datës 4 Qershor 2020 - Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)

- Mbahet mbledhja ceremoniale e Qeverisë së Republikës së Kosovës, e udhëhequr nga Kryeministri Avdullah Hoti. (Ndërtesa e Qeverisë, ora 9:30)
  
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
  
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Kryeministri Avdullah Hoti bën homazhe te varri i ish-presidentit të Kosovës, Ibrahim Rugova. (Velani, ora 12:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)

-  Kryeministri Avdullah Hoti bën homazhe në Kompleksin Memorial “Adem Jashari” në Prekaz. (Prekaz, ora 13:30)

- Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 15:30)