02 Shkurt 2023

Përzgjedhja e tre auditorëve të jashtëm n'kundërshtim me ligjin

Prishtinë, 8 shkurt - Në mbledhjen e sotme të Komisionit për Mbikëqyrje të Financave Publike, temë diskutimi ishte rekomandimi për auditor të jashtëm, për auditimin e pasqyrave financiare të Zyrës së Auditorit të Përgjithshëm për vitin 2009.

Kryetari i komisionit, Haki Shatri, sqaroi se nga Zyra e Auditorit të Përgjithshëm, pas një konkursi të hapur nga kjo zyre, janë përzgjedhur tre ofertues të kompanive, për auditor të jashtëm.

I pranishëm në këtë takim ishte edhe Auditori Gjeneral, Lars Lage Olofsson, i cili para anëtarëve të komisionit, ka sqaruar lidhur me rekomandimet që i ka sjellë në këtë komision, për auditor të jashtëm.

Anëtarët e komisionit për Mbikëqyrje të Financave Publike, duke u thirrur në Ligjin për Themelimin e Zyrës së Auditorit të Përgjithshëm dhe Zyrës së Auditimit të Kosovës, në nenin 6, shpalosën dilemen se përzgjedhja e tre ofertuesve për auditorë të jashtëm, bie në kundërshtim me këtë ligj, meqë sipas tyre, auditorët e jashtëm duhet të zgjedhen dhe emërohen nga Kuvendi i Republikës së Kosovës, e jo nga ZAP-i.

Madje, disa nga anëtarët e komisionit, këtë fakt e kanë quajtur konflikt interesi, e disa të tjerë kanë pohuar se ka zbrazëtira në ligj, duke shtuar njëkohësisht se kjo përzgjedhje, është një lehtësim për komisionin.

Lars Lage Olofsson, duke hedhur poshtë kritikat nga ana e anëtarëve të komisionit, sqaroi se zyra të cilën e udhëheq ai, ka sjellë tri oferta, prej të cilave komisioni në fjalë, mund të përzgjedhë njërën, dhe se kjo sipas tij, nuk bie ndesh me ligjin.

Anëtarët e Komisionit për Mbikëqyrje të Financave Publike, krejtësisht në fund, u dakorduan që me këtë çështje të merret Kryesia e Kuvendit.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)