30 Maj 2020

OAK shpreh shqetësim për zhvillimet në vend

Prishtinë, 11 korrik - Bordi i Odës së Afarizmit të Kosovës gjatë një takimi, analizuan gjendjen dhe shprehën shqetësimet e tyre për gjendjen aktuale të vendit në aspektin ekonomik, trendin e ngecjeve ekonomike dhe pengesat e mëdha të krijuara ndër vite. Në bazë të analizave të bëra në kontinuitet nga OAK, kjo situatë po krijohet si rezultat i mos përmirësimit të kushteve të të bërit biznes, gjë për të cilat OAK është duke dërguar vazhdimisht qindra letra dhe realizuar me dhjetra takime me institucionet përkatëse.

OAK shpreh shqetësim edhe për interesin e bizneseve për të investuar jashtë vendit dhe jo brenda, e kjo për shkak të kushteve më të mira dhe ofertave që po iu ofrojnë vendet e tjera.

Oda e Afarizmit të Kosovës kërkon nga Institucionet Vendore dhe Ndërkombëtare që të rrisin përpjekjet politike për krijimin e një klime më të mirë dhe përmirësimin e kushteve aktuale.

OAK si çdo herë është e gatshme për të dhënë kontributin maksimal në këtë drejtim, së bashku me bizneset që përfaqëson.

 

Kalendari

Ngjarjet e datës 30 Maj 2020

- Instituti Demokratik i Kosovës / Transparency International Kosova organizon konferencën për media ku do të shpalosen gjetjet preliminare nga monitorimi i aktiviteteve të prokurimit të Ministrisë së Shëndetësisë gjatë kohës së pandemisë. (Hotel Sirius, ora 11:00)

 

- Lëvizja Vetëvendosje! mban konferencë për media. (Zyret e qendrore të Vetëvendosje, ora 17:00)