20 Shtator 2019

OAK kërkon masa të reja fiskale për rritjen e sektorit të prodhimit

Prishtinë, 23 maj – Rritja e konkurrueshmërisë së prodhuesve vendorë përmes lehtësirave tatimore si dhe krijimi i politikave specifike për nxitjen e rritjes së eksporteve janë të nevojshme në zhvillimin e qëndrueshëm të tyre, ndërsa ende nevojiten mekanizma mga institucionet relevante në adresimin dhe eleminimin e barrierave si tregtare ashtu edhe tarifore. Kjo u tha sot gjatë prezantimit të studimit "Indeksi i prodhimit" i bërë nga Oda Ekonomike Amerikane në Kosovë.

Drejtori Ekzekutiv i Odës Amerikane, Arian Zeka, tha se krahas vëmendjes së shtuar ndaj zhvillimit të sektorit të prodhimit në vend, si përmes masave fiskale të ndërmarra nga Ministria e Financave, ashtu edhe përmes skemave të granteve mbështetëse nga Ministria e Tregtisë dhe Industrisë, ende ka mungesë të rezultateve mbresëlënëse. Ai tha se ky studim përfshin adresimin e sferave të ndryshme në sektorin e prodhimit si fuqia punëtore, infrastruktura mbështetëse, qasja në financa, infrastrukturës së cilësisë, sundimi i ligjit, etj, duke pasqyruar gjendjen aktuale në sektorin e prodhimit dhe problemet të cilat duhet të adresohen nga institucionet relevante.

Ndërsa Presidenti i Bordit të Guvernatorëve të Odës Amerikane, Ilir Ibrahimi, tha se sektori i prodhimit ka zënë vendin e merituar në debatin publik në vend, mirëpo përveç kësaj nevojiten masa konkrete nga institucionet publike në arritjen e rezultateve aftagjate dhe të kënaqshme në këtë sektor duke qenë ndër sektorët më kontribues në zhvillimin ekonomik të vendit.

Udhëheqësi i i Institutit për Hulumtime Ekonomike të Odës Amerikane, Visar Hapçiu, tha se ky studim synon të jetë bazë e mirëfilltë për të ndjekur zhvillimet në sektorin e prodhimit e poashtu edhe për të adresuar çështjet kryesore të cilat afektojnë bizneset prodhuese. Hapçiu, ndër të tjera, përmendi faktin se bizneset vlerësojnë pozitivisht mjedisin fiskal në vend si rezultat i përmirësimit të vazhdueshëm të legjislacionit tatimor dhe masave të ndërmarra fiskale, por në anën tjetër vlerësojnë mjaft dobët progresin e arritur në luftimin e korrupsionit. Në fund, ai shtoi se ndërmarrja e masave fiskale dhe lehtësirave tatimore në vazhdimësi mundësojnë zhvillim më të qëndrueshëm dhe të vazhdueshëm të prodhuesve.

Ministri i Financave, Bedri Hamza, tha se Ministria që ai drejton ka prioritet ruajtjen e situatës së qëndrueshme dhe stabilitetit makrofiskal. Ministri Hamza tha se kemi nevojë për ndërmarrjen e reformave në strukturën ekonomike për të ulur deficitin e lartë tregtar, duke shtuar se reformat fiskale të cilat janë tashmë efektive, si në lëndën e parë, pajisjet e teknologjisë së informacionit, etj, kanë treguar rezultatet pozitive në zhvillimin e bizneseve dhe rritjen e kapaciteteve të tyre prodhuese.

Përfaqësuesi nga Ministria e Tregtisë së Industrisë, Durim Limaj, tha se Ministria ka prioritizuar rritjen e prodhimit vendor si dhe cilësinë e produkteve duke vendosur masa mbrojtëse për disa produkte si dhe hartimin e ligjit për tregti të brendshme, mes të tjerash, duke përmendur gatishmërinë e Ministrisë në adresimin e barrierave tarifore dhe jotarifore për prodhuesit. Në anën tjetër, Leonora Kusari nga Banka Evropiane për Rindërtim dhe Zhvillim (BERZH) tha se Banka synon ofrimin e ndihmës ndaj bizneseve të sektorit privat përmes instrumenteve dhe mekanizmave të ndryshëm, duke shtuar se fuqizimi i bizneseve përmes financimit dhe këshillimit është esencial në zgjerimin e tyre në tregje ndërkombëtare si dhe rritjen e cilësisë së produkteve të tyre.

 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpi e Rinisë, Gjilan, ora 16:30)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)