08 Shkurt 2023

Njohja e fuqisë së medias mundëson mbrojtjen e konsumatorit

Prishtinë, 27 shkurt - Instituti INDEP organizon sot tryezën 'Media dhe mbrojtja e konsumatorit' në të cilën do te diskutojë forma se si media mund te mbuloje me shume çështjet qe lidhen me mbrojtjen e konsumatorit.

Ndikimi i medias në botën e sotme është vendimtar, pasi media është burimi kryesor i informacionit dhe kontribuon drejtpërdrejt në jetën e njerëzve. Kështu, media lëviz masat dhe krijon lëvizje shoqërore.

Ndërkohë, avancimi i bërë me mbrojtjen e konsumatorit është për tu befasuar nga lëvizjet e fundit në treg.

Të prekur nga kriza ekonomike, pandemia COVID-19 dhe lufta e fundit në Ukrainë, mbrojtja e klientit nuk është më shqetësimi - kryesor në treg.

Inflacioni, rritja e çmimeve, mungesa e ofertës dhe humbja e vendeve të punës kanë kontribuar në një trajtim më pak serioz të ankesave të klientëve.

Në Kosovë, Ligji për Mbrojtjen e Konsumatorit dhe ligjet përkatëse që mbrojnë të drejtat e konsumatorëve ndjekin acquis të BE-së, por që nuk zbatohenInstitucioneve u mungojnë rregulloret shoqëruese dhe kapacitetet njerëzore.

Puna e institucioneve është e lidhur me idenë e të drejtave të konsumatorëve dhe me formimin e organizatave të konsumatorëve, të cilat i ndihmojnë konsumatorët të bëjnë zgjedhje më të mira në treg dhe të ndjekin ankesat ndaj bizneseve.

Në të kaluarën, pasqyrimi mediatik i temave të caktuara ka kontribuar në një interes shumë më të lartë të publikut dhe duke vënë në qendër të vëmendjes shumë çështje. Aktualisht, fokusi i mediave është kryesisht i lidhur me politikën, ndërsa çështjet sociale trajtohen shume pak.

Sigurimi që mbrojtja e konsumatorëve të shndërrohet në një nga top storjet mediatike sipas INDEP garanton zbatimin më të mirë të ligjeve që mbrojnë konsumatorët në Kosovë.

Në këtë kuptim INDEP vlerëson se mediat përmbushin rolin e tyre si vëzhgues, ndërsa qytetarët rrisin nivelin e besimit në media.

Njohja e fuqisë së medias mundëson shtyrjen përpara të agjendave që përfitojnë të gjithë, me një theks të veçantë në mbrojtjen e konsumatorit.

Një fokus nga media në mbrojtjen e konsumatorit mund të përmirësojë me shpejtësi reagimin institucional dhe të përmirësojë përvojën e klientit.

"Media dhe mbrojtja e konsumatorit" do të diskutojë mënyrat se si media mund të zgjerojë mbulimin e tyre për mbrojtjen e konsumatorit dhe ndikimin që media ka në sjelljen e konsumatorëve dhe strategjinë biznesit për qasjen ndaj tyre.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)