06 Korrik 2020

Nis cikli i parë i seminareve me tatimpagues për vitin 2020

Prishtinë, 21 shkurt - Administrata Tatimore e Kosovës (ATK) në bashkëpunim me Këshillin Kosovar për Raportim Financiar (KKRF) ka nisur ciklin e parë të seminareve me tatimpagues  për vitin 2020.

Temat të cilat po prezantohen në këto seminare janë:

Risit në Administratën Tatimore të Kosovës; Aplikimi i ngarkesës së kundërt për TVSH në ndërtimtari, deklarimi vjetor PD, CD dhe DO dhe risitë sipas ligjit të ri për kontabilitet, raportim financiar dhe auditim.

Deri më tani seminaret janë mbajtur në Prizren, Ferizaj, Gjakovë, Mitrovicë, ndërsa dje është mbajtur seminari me tatimpaguesit e regjionit të Prishtinës, për të cilin interesimi i tatimpaguesve ishte i jashtëzakonshëm, interesimi i njëjtë ka qenë edhe në të gjitha qendrat e tjera ku janë mbajt seminaret.

Në seminar ishte edhe drejtori i Përgjithshëm i ATK-së Ilir Murtezaj, i cili falënderoj tatimpaguesit për interesimin e tyre për të përcjell seminarin, po ashtu drejtori Murtezaj tha se ATK do të vazhdoj të punoj në avancimin e shërbimeve ndaj tatimpaguesve, në mënyrë që t’ju bëhet më e lehët përmbushja e detyrimeve tatimore.

Gjatë këtyre seminareve, pjesëmarrësit parashtruan pyetje të ndryshme, lidhur me temat e prezantuara, si dhe pyetje të tjera lidhur me Legjislacionin Tatimor. Për të gjitha pyetjet e parashtruara nga pjesëmarrësit, janë ofruar përgjigje adekuate nga prezantuesit e temave në seminar.

Në të gjitha seminaret të mbajtura deri më tani numri i pjesëmarrësve ishte mjaft i lartë, ku pjesëmarrës ishin: organizata biznesi, OJQ apo përfaqësues të tyre, përfaqësues të njësive të përhershme, kontabilistë dhe qytetarë të interesuar.

Seminari me temat e lartëpërmendura do të mbahet ditëve në vijim edhe në Gjilan dhe Pejë.
 

Kalendari

Ngjarjet e datës 6 Korrik 2020

- Oda Ekonomike e Kosovës do të mbajë konferencë të jashtëzakonshme për media lidhur me zhvillimet e fundit me përhapjen e pandemisë dhe ndikimet në ekonomi. (Objekti i Odës Ekonomike të Kosovës, ora 10:30)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)


- Partia Demokratike e Kosovës mban konferencë për media. (Selia e PDK-së, ora 15)

- Komuna e Rahovecit mban dëgjim publik me banorët e fshatrave Krushë e Madhe, Celinë, Nagavc për përgatitjen e buxhetit për vitin 2021 dhe kornizës afatmesme 2021-2023. (Objekti i Qendrës Rinore në fshatin Krushë e Madhe, ora 19:00)

- Komuna e Rahovecit mban dëgjim publik me banorët e fshatrave Hoçë e Vogel dhe Brestoc për përgatitjen e buxhetit për vitin 2021 dhe kornizës afatmesme 2021-2023. (Objekti i  Shkollës Fillore të Mesme të Ulët “Heronjtë e Kosovës” në fshatin Hoçë e Vogël, ora 20:00)