01 Tetor 2022

Nga shtatori nis punën Gjykata Komerciale

Prishtinë, 12 gusht - Me fillimin e punës së Gjykatës Komerciale bizneset do ta kenë një adresë të vetme për të gjitha çështjet për të cilat kërkojnë mbrojtje gjyqësore. Lëndët e para pritet të shqyrtohen në shtatorin e këtij viti.

Përfaqësues të bizneseve e kanë mirëpritur themelimin e kësaj gjykate, por njohësit e ekonomisë kanë shprehur skepticizëm për punën e saj.

Të gjitha kontestet lidhur me çështjet ekonomike dhe konfliktet administrative në kontestet biznesore tashmë janë kompetencë e Gjykatës Komerciale, e cila në shtator pritet të fillojë shqyrtimin e lëndëve të para.

Mbi 9 000 lëndë janë transferuar në këtë gjykatë, thotë për RTK-në kryetari i Gjykatën Komerciale, Mahir Tutuli.

Sipas tij, deri në plotësimin e plotë të numrit të gjyqtarëve dhe stafit mbështetës nuk do të jenë në kapacitetin e plotë të procedimit të lëndëve.

“Dhomat e Shkallës së Dytë e kanë më të lehtë procedurën, sepse nuk kanë seanca dhe mund të fillojnë punën menjëherë pas pranimit të lëndëve. "


"Problematika qëndron në Dhomat e Shkallës së Parë, sepse palët duhet të njoftohen lidhur me seancat tetë (8) ditë para. Duke pasur parasysh që nuk kemi staf të kompletuar ende, duhet diku dy (2) javë apo më shumë të dorëzohen ftesat. Prandaj presim që seancat e para të fillojnë në fillim të shtatorit”, tha Tutuli.

Përfaqësuesi i bizneseve, Agim Shahini, thotë për “Radio Kosovën” se fillimi i punës së Gjykatës Komerciale është një siguri për bizneset dhe investitorët.

“Kjo ofron siguri për investitorët vendorë dhe të huaj, që ata në të ardhmen mund t’i zgjidhin problemet ndërmjet operatorëve ekonomikë në një periudhë më të shkurtër 1-3 vjet, dhe jo si në të kaluarën. Kjo ka qenë një kërkesë e kamotshme e AKB-së dhe e komunitetit të biznesit”, shtoi  Shahini.

Por njohësi i ekonomisë, Safet Gërxhaliu, duke folur për “Radio Kosovën” shpreh skepticizëm për sa i përket funksionimit të plotë të kësaj gjykate.

“Biznesi në Kosovë meriton elemente të barrierave dhe demokracisë, meriton prurje të vendimeve të shpejta. Në këtë drejtim, uroj të ketë sukses, por gjithmonë e kam një dozë të skepticizmit sepse janë të njëjtët njerëz, është e njëjta traditë dhe fakti që e kemi këtë mungesë të përgjegjësisë, qoftë edhe në ndarje, kam frikë se kjo do të jetë vetëm një mundësi për t’i punësuar dhe avancuar disa të punësuar në gjyqësi, dhe efektet do të jenë ato që na kanë përcjellë në të kaluarën”, tha Gërxhaliu.

Gjykata Komerciale është themeluar në fillim të këtij viti, ndërsa pritet t’i trajtojë të gjitha kontestet lidhur me çështjet ekonomike dhe konfliktet administrative në kontestet ekonomike.
 

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30