16 Janar 2019

Mungon mbikëqyrja e aktiviteteve të prokurimit nga ana e KRPP-së

Prishtinë, 11 korrik - Demokraci Plus (D+), ka mbajtur një tryezë diskutimi lidhur me punën e Organit Shqyrtues të Prokurimit (OShP) dhe procesin e monitorimit të aktiviteteve të prokurimit aga ana e Komisionit Rregullativ të Prokurimit Publik (KRPP).

Gjatë kësaj tryeze, lidhur me këto dy institucione janë publikuar dy raporte të ndara, të cilat paraqesin problemet kryesore që ndikojnë në gjithë sistemin e prokurimit publik.

Isuf Zejna, Menaxher i Programit në D+, përmendi parregullsitë në OShP, si institucion kompetent për të vendosur për ankesat e ushtruara nga kompanitë ankuese.

 Ai si problem kryesor përmendi çështjet siç janë moskonsistenca e vendimeve dhe vonesat në vendimmarrje.

Ndërkaq, Rrita Ismajli, hulumtuese në D+, shpalosi rolin e KRPP-së, si institucion rregullativ, i cili krijon rregulla të lojës për të gjithë akterët që janë pjesëmarrës në aktivitete të prokurimit.

Ajo tha se ka mungesë të mbikëqyrjes së aktiviteteve të prokurimit nga ana e KRPP-së, veçanërisht në fazën pas dhënies së kontratës. Ismajli përmes një krahasimi me shtetet tjera theksoi se do të ishte më së i nevojshëm adaptimi i monitorimit të plotë të kontrollit ex-ante dhe ex-post në këto aktivitete.

Në panelin e kësaj tryeze të ftuar ishin kryetari i OShP-së, Blerim Dina dhe anëtari i Bordit të KRPP-së, Sami Uka, të cilët ofruan komentet e tyre lidhur me gjetjet e këtyre raporteve.

Moskonsistencën e vendimeve, Dina e arsyetoi me rrethana të ndryshme që dalin nga rasti në rast, e që sipas tij nuk duhet të krijohen shabllone në vendimet që merr paneli shqyrtues. Ndërsa, për vonesat në vendimmarrje, ai ua hudhi fajin autoriteteve kontraktuese, pasi nuk i dorëzojnë dosjet me kohë.

Ndryshe, Uka foli për rolin që ka KRPP-ja në funksionimin dhe mbarëvajtjen e gjithë sistemit të prokurimit publik.

Ai tha se monitorimi që KRPP bën, edhe pse me numër të vogël të zyrtarëve, ka pasur efekt në evitimin e mangësive në prokurim publik, por jo edhe në luftën kundër korrupsionit. Uka nder të tjera shtoi se është e pamundur që të monitorohen rreth gjashtë mijë njoftime që bëhen në vit me po ata zyrtarë.

Po ashtu, pjesë e tryezës kanë qenë edhe zyrtarët të institucioneve të ndryshme, pjesëtarë nga shoqëria civile dhe media.

Kalendari

Ngjarjet e datës 16 janar 2019 - Banorët e lagjes Makolli nga fshati Cikatovë protestojnë para Gjykatës Themlore në Drenas në mbrojtje të çdo vendimi që merr gjykata në dem të familjes Makolli. (Para Gjykatës Themelore në Drenas, ora 9:00)

- Kryeministri Ramush Haradinaj pret në takim pune kryetarët e Komunave në kuadër të "Forumi Konsultativ Qeveri - Komuna". (Ndërtesa e Qeverisë, ora 9:00)

- Kryetari i Mitrovicës Agim Bahtiri do të dorëzojë peticionin për bashkimin e qytetit të Mitrovicës me 16,594 nënshkrime të qytetarëve, në tri institucione te Qeveria, Kuvendi, si dhe te Presidenti. (Qeveria e Kosovës, ora 9:30)

- Kryetari i SBASHK-ut se bashku me kryetarin e këshillit të prindërve te komunës se Lipjanit Milazim Sadik do t'i vizitoj grevistët e komunës së Lipjanit. (Shkolla fillore dhe e mesme e ulët “Vëllezërit Frasheri” në Lipjan, ora 9:45)

- Kryeministri Ramush Haradinaj vizitë pune në Agjencinë Kosovare të Privatizimit. (Agjencia Kosovare e Privatizimit, ora 10:30)

- Kryetari i SBASHK-ut se bashku me kryetarin e këshillit të prindërve te komunës se Lipjanit Milazim Sadik do t'i vizitoj grevistët e çerdhen e komunës së Lipjanit. (Objekti i çerdhes se Lipjanit, ora 10:30)

- Lëvizja Vetëvendosje! mban konferencë për media. (Zyrat e Vetëvendosjes, ora 11:00)

- Grupi i asambleistëve të LDK-së në Prishtinës mban konferencë për medie. (Selia qendrore e LDK-së, te Qafa, ora 11:00)

- Instituti Kosovar për Kërkime dhe Zhvillim të Politikave organizon tryezën e rrumbullakët në të cilën do të prezantohet Punimi i Politikave “Parandalimi i Radikalizmit dhe Ekstremizmit të Dhunshëm: Mësimet nga Shembujt Pozitivë të Komunave të Podujevës dhe Suharekës”. (Hotel Sirius, ora 11:00)

- Prokuroria Themelore e Prizrenit mban konferencën për media ku do të prezantohet raporti i punës për vitin 2018 dhe objektivat e kësaj prokurorie për vitin 2019. (Prokuroria Themelore në Prizren, rruga William Walker, ora 11:00)

- Përfaqësuesit e studentëve nga të gjitha Universitetet Publike në Republikën e Kosovës do të mbajnë një protestë  para Ministrisë së Arsimit, Shkencës dhe Teknologjisë. (Protesta do të fillojë nga Bibloteka Kombëtare, ora 13:00)