20 Shtator 2020

Ministri Shala priti delegacionin e FMN-së për Kosovën

Prishtinë, 18 shkurt - Në Ministrinë e Ekonomisë dhe Financave po qëndron për vizite dy javore një ekip i Fondit Monetar Ndërkombëtar i cili u prit nga Ministri i Ekonomisë dhe Financave Ahmet Shala.

Duke ju dëshiruar mirëseardhje, Ministri i falënderoj zyrtarët e FMN-së që kishin gjetur kohë për të ndarë gëzimin së bashku me ne për festën e Pavarësisë së Kosovës.

Njëherit ministri Shala i informoi zyrtarët e FMN-së lidhur me përparimet e bëra që nga vizita e tyre e fundit në Tetor 2009.

Ai gjithashtu i njoftoj për procesin e ekzekutimit dhe aprovimit parlamentar të buxhetit, për ndryshimet që janë bërë si pjesë e reformave në sektorin e energjisë dhe reformat e ndërmarra në administratën tatimore, si dhe për hapat te cilët janë marr për zgjidhjen e nevojave shoqërore.

Gjatë takimit u diskutua edhe për tentimet dhe mënyrat e adresimit të nevojave të shumta të qytetarëve duke ju përmbajtur në të njëjtën kohë rregullave fiskale dhe përkushtimit për të pasur një buxhet të balancuar.

Theks të posaçëm gjatë bisedimeve patën, projekti i Autostradës dhe roli i këtij projekti për zhvillimin afatgjatë të ekonomisë së Kosovës.

Ministri Shala në fund të takimit ju uroj mysafirëve qëndrim të këndshëm dhe takime produktive gjatë qëndrimit të tyre dy javorë në Kosovë.

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)