06 Dhjetor 2022

Mijëra rusë largohen nga vendi, ndërsa Rusia gati të bjerë në prag të kolapsit ekonomik

Moskë, 19 prill - Ndërkohë që pretendon se ekonomia vendase është e balancuar pavarësisht sanksioneve të marra nga perëndimi, presidenti rus Vladimir Putin është duke u përballur me një skenar makthi.

Express.co.uk, ka raportuar se mijëra qytetarë janë larguar nga vendi, ndërsa Rusia është gati të bjerë në prag të kolapsit ekonomik.

Dhjetëra mijëra rusë janë larguar nga vendi nga frika e arrestimit, shërbimit ushtarak të detyruar apo problemeve ekonomike, ku shumë prej tyre janë zhvendosur në Turqi, Armeni apo Gjeorgji. Armenia raportohet se deri tani ka mirëpritur 100.000 rusë.

Çështja është aq e rëndësishme sa që tani janë ngritur iniciativa për të mbështetur shtetasit rusë që ikën nga vendi.

Si në Stamboll ashtu edhe në kryeqytetin armen të Jerevanit, organizatat mbështesin rusët që janë larguar nga vendi.

Eva Rapoport, një vullnetare në një nga këto organizata me qendër në Stamboll tha se qëllimi i saj është të sigurojë strehim për njerëzit që iu desh të iknin me nxitim nga frika se mos arrestoheshin.

“Ne përpiqemi të ofrojmë çdo lloj ndihme në mënyrë që ata të mund të qëndrojnë falas për të paktën disa kohë dhe të zbulojnë se çfarë ndodh më pas për ta. Organizata ndihmon të sapoardhurit të marrin me qira apartamente”, tha ajo.

Ndërsa qeveria turke nuk ka publikuar shifra se sa rusë kanë hyrë në vend që nga fillimi i luftës, vetëm në Stamboll, organizata “Arka” njofton se ka organizuar strehim për më shumë se 200 persona.

Sipas zonjës Rapoport, shumica e atyre që ikën nga Rusia janë të arsimuar mirë, me disa prej tyre që janë larguar për shkak të perspektivës së dobët ekonomike përballë sanksioneve të ashpra të vendosura nga Perëndimi.

Ajo tha gjithashtu se të rinjtë po largohen nga frika se mos thirren për shërbimin ushtarak.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)