27 Nëntor 2022

Michael Ellis, Ministër i Mbretërisë së Bashkuar viziton ATK-në

Prishtinë, 8 prill - Ministri i Zyrës së Kabinetit të Qeverisë së Mbreterisë së Bashkuar Michael Ellis, si dhe  Ambasadori i Mbretërisë së Bashkuar në Kosovë Nicholas Abbott, kanë vizituar Administratën Tatimore të Kosovës, konkretisht Drejtorinë e Hetimeve Tatimore dhe Inteligjencës, me ç ‘rast është pritur nga Drejtori i Përgjithshëm i ATK-së Ilir Murtezaj dhe bashkëpunëtorët e tij.

Kjo vizitë u realizua më qëllim që të shihet nga afër mbështetja që i është dhënë ATK-së nga Mbretëria e Bashkuar, në fuqizimin e mekanizmave për investigimin e rasteve,  të cilat qëllimisht i shmangin obligimet tatimore.

Po ashtu, Ellis u njoftua edhe me avancimin që është bërë në këtë departament, nga ekspertizat e ofruar përmes pajisjeve souftverike, të cilat në masë të madhe kanë ndihmuar që hetimet tatimore t’i intensifikojnë aktivitetet e tyre.

Drejtori Murtezaj, shprehi falënderim të pa-rezervë ndaj gjithë kontributit të dhënë në zhvillimin dhe avancimin e DHTI-së.  

Ai gjithashtu,  shtoj se mbështetja e dhënë nga Mbretëria e Bashkuar është deri më tani e vetmja për këtë qëllim, duke shpresuar se një mbështetje e tillë të vazhdoj edhe në të ardhmen.

E nga ana tjetër, Ministri i Zyrës së Kabinetit të Britanisë së Madhe Michael Ellis, u shpreh i kënaqur më punën që është bërë dhe progresin që është arritur falë mbështetjes nga vendi i tij.

Veç tjerash, Ellis potencoj se do të vazhdojë mbështetja në ngritjen e kapaciteteve profesionale të institucionit të ATK-së.
 

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)