06 Tetor 2022

Mbahet takimi lancues për Programin e Reformave në Ekonomi 2023 - 2025

Prishtinë, 15 korrik - Ministri Murati kryesoi sot takimin lancues për Programin e Reformave në Ekonomi 2023-2025.

Ky program, si pjesë e dialogut në mes të Bashkimit Evropian e Republikës së Kosovës, paraqet nivelin më të lartë të angazhimit të BE-së në çështjet socio-ekonomike për shtetet e Ballkanit Perëndimor dhe Turqisë, që përfshinë tranzicionin e gjelbër dhe dixhitalizimin.

Në këtë linjë, zbatimi i reformave të identifikuara në PRE është kyç në arritjen e kritereve të anëtarësimit të Kosovës në BE, përmirësimin e mjedisit të të bërit biznes, krijimin e vendeve të reja të punës, si dhe rritjen e gjithëpërfshirjes sociale.

Gjatë fjalës së tij, Ministri Murati ritheksoi përkushtimin e Qeverisë së Republikës së Kosovës që të vazhdohen përpjekjet e filluara në vitin 2021 për formalizim dhe aktivitet të shtuar ekonomik.

Prandaj, edhe dizajnimi i reformave strukturore të mirë-targetuara është kyç për të siguruar këtë vazhdimësi e për të tejkaluar sfidat e fundit ekonomike me të cilat mbarë bota po ballafaqohet si rezultat i luftës në Ukrainë.

Në këtë linjë, Ambasadori Szunyog u shpreh se përgjatë viteve të fundit cilësia e PRE-së së dorëzuar nga Kosova ka shënuar përmirësim të dukshëm, andaj edhe falënderoi autoritetet përkatëse për përkushtimin e tyre në këtë proces.  

Zbatimi i suksesshëm i reformave të parapara në PRE reflektojnë mbi rrugëtimin e Republikës së Kosovës drejt integrimit në Bashkimin Evropian, andaj Qeveria e Kosovës mbetet e përkushtuar në implementimin e plotë të konkluzioneve të perbashkëta që dalin nga ky proces.

 

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)