21 Maj 2019

Marrëveshja e Përgjithshme Kolektive avantazh për punëtorët

Prishtinë, 14 nëntor - Draft Marrëveshja e Përgjithshme Kolektive, ishte tema e diskutimit të organizuar nga Aleanca Kosovare e Bizneseve dhe përfaqësues të bizneseve.

Kryetari i AKB-së Agim Shahini, tha se janë këtu që bashkërisht të diskutojmë dhe të japim komentet e propozimet”, të cilat do të dërgohen në KES. AKB-ja, është pjesë e Këshillit Ekonomik Social dhe tash sa kohë ua ka dërguar Draft Marrëveshjen e Përgjithshme Kolektive, me qëllim të informimit me kohë dhe se a do të jetë kjo marrëveshje sfidë për bizneset, por ajo e cila është e sigurt, ajo do të jetë avantazh për punëtorët në të gjithë sektorët publik e privat.

AKB-ja këtë draft marrëveshje e ka diskutuar nëpër degët e saja, ku disa kompani kanë dhënë vërejtjet e tyre substanciale, por shumë të tjera nuk kanë pasur, ndërsa ju mund të jepni komentet e juaja të cilat do të dërgohen për implementim.

“Marrëveshja Kolektive, është një kushtetutë ndërmjet punëdhënësve e punëmarrësve”, tha Agim Shahini. Ai shtoi se marrëveshja rregullon: themelimin e marrëdhënies së punës, orarin e punës dhe pushimet, pagat, kompensimet dhe të ardhurat tjera personale, informimi i të punësuarave, ndërprerja e kontratës së punës dhe të drejtat e obligimet e palëve e mënyra e zgjedhjes së kontesteve.

Suat Berisha, nga kolegji Universum, tha se kanë vërejtje lidhur me pagesën e pushimit të lehonisë që ngarkesa e biznesit të jetë sa ma e vogël, duhet të krijohet fondi nga qeveria. Ai shtoi se edhe pushimi vjetor tek sektori i arsimit është i zgjatur dhe duhet rregullohet sipas ligjit për të gjithë njëjtë.

Xheladin Zenuni, nga kompani Shell- Al petrol, tha se kjo marrëveshje duhet të gjej zbatim sa më të shpejt në mënyrë që të ruhet fuqia punëtore për të mos ikur nga Kosova.

Liridon Alidema, nga kompania Emona- interex, tha se  implementimi i saj në terren nuk është i lehtë për shkak se krijon konfuzion në mes Marrëveshjes Kolektive e Ligjit të ri të Punës i cili është duke u realizuar dhe  nuk ka pësuar ndryshim dhe nga ajo kohë në tregun e punës ka ndryshime të mëdha.

Merita Musa, nga kompania Sigal, tha se pushimi pa pagës  në marrëveshje është jo i qartë mirë dhe i cili duhet të qartësohet se kur është e deomosdoshme dhe me këtë edhe siguria e vendit të punës dhe sigurimi shëndetësor.

Granit Sogojeva, nga kompania Besa security, tha se e mirëpresin marrëveshjen ku eliminon paqartësitë ligjor dhe avancon pozitën e punëtorit.

Sylejman Klinaku, avokat, tha se duhet të gjendet modaliteti i sanksionuar për punëtorët që pa paralajmërim e lënë vendin e punës dhe kompania has në vështirësi për të zëvendësuar vendin e punës.   

Lumnije Ajdini, nga AKB-ja, prezantoi marrëveshjen para të pranishmëve, ku patën mundësi të gjithë në mënyrë vizuele ta shohin marrëveshjen dhe të japin komentet e tyre.  

Në fund të diskutimit njëzëri u tha se kjo marrëveshje është avantazh për punëtorë, sfiduese në implementim por jo e pakalueshme dhe si e tillë mund të ecë drejt avancimit të të drejtave të dy palëve dhe gjatë implementimit të pësoi ndryshim e inkorporohet Ligji i ri i Punës e Lehonisë që në realizim. 

 
 

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)