20 Shtator 2019

Lladrovci fton kompaninë gjermane ,,SGN-BAU BUCOLLI" që të investojë në Kosovë

Prishtinë, 17 maj - Kryetari i Komunës së Drenasit, Ramiz Lladrovci, gjatë vizitës së fundit në Gjermani ka vizituar edhe kompani të suksesshme të cilat udhëhiqen nga Diaspora, me ç’rast u bëri ftesë që të investojnë edhe në vendlindje. Një vizite të tillë Lladrovci e realizoi në kompaninë e njohur në Stuttgard, SGN-BAU BUCOLLI.

Presidenti i kompanisë SGN-BAU BUCOLLI, Albert Bucolli, bashkë me stafin e tij e mirëpriti kryetarin Lladrovci me bashkëpunëtor dhe njëherit delegacionin e njoftoi për planet, projektet dhe objektivat e kësaj kompanie por edhe me sfidat që përballen gjate ekzekutimit të projekteve. “E çmoj jashtëzakonisht lart interesimin e z Lladrovci dhe gatishmërinë e tij në përkrahjen e kompanive nga diaspora“ theksoi ndër të tjera Bucolli. Më tej Bucolli tha se shembulli i Lladrovcit duhet të ndiqet edhe nga liderët e tjerë Kosovar.

Nga ana tjetër, Lladrovci tha se është fasionuar me arritjet e kësaj kompanie e cila udhëhiqet nga vëllezërit Bucolli nga Pokleku i Drenasit. Me këtë rast, Kryetari Lladrovci i bëri ftesë kompanisë SGN-BAU BUCOLLI që projekte të tilla ti sjellin edhe në vendlindje, respektivisht në komunën e Drenasit. Për më tepër, Lladrovci tha se do të angazhohet maksimalisht për të siguruar gjithë infrastrukturën ligjore për të gjithë investitorët e huaj e me theks të veçante bizneseve nga diaspora në mënyrë që të kenë investime të sigurta në komunën që ai drejton.

Me këtë rast, Presidenti i SGN-BAU BUCOLLI, Albert Bucolli, realizoi takime edhe me Zëvendës Presidentin e Parlamentit Evropian, Rainer Wieland, i cili vjen nga Grupi i Partisë Popullore Evropiane (Kristian Demokratët) për rrethinën e Stuttgard të Gjermanisë, me kryetarin e Gerlingenit, Georg Brenner dhe zyrtar të tjerë nga rrethina e Stuttgard. Në këto takime përveç projekteve të realizuara nga SGN-BAU BUCOLLI, gjithashtu diskutuam edhe për kontributin e vazhdueshëm të shtetit Gjerman për të ardhmen e Kosovës Evropiane, me ç’rast u dakorduam që në këtë drejtim nuk duhet te mungojë edhe kontributi i gjithë qytetarëve si në Kosovë ashtu edhe në Diasporë.

SGN-BAU BUCOLLI, është një ndër kompanitë e njohura ndërtimorë e cila operon për afër dy dekada me shumë suksese në Stuttgart dhe rrethinë, përveç realizimit të suksesshëm të projekteve te shumta, kjo kompani njihet edhe për përkrahjen e komunitetit në rrethinën ku operon. SGN-BAU Bucolli, është në pronësi të vëllezërve Albert, Arianit dhe Taulant Bucolli nga Pokleku i Drenasit.

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpi e Rinisë, Gjilan, ora 16:30)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)