Prishtinë, 22 mars - Kryesia e Kuvendit të Republikës së Kosovës do të mblidhet sot për të shqyrtuar kërkesën e 49 deputetëve për seancë të jashtëzakonshme lidhur me pezullimin e aktivitetit të kazinove dhe lojërave të fatit. 

Deputetët nënshkrues kanë kërkuar që Kuvendi të miratojë rezolutë lidhur me pezullimin e aktivitetit të kazinove dhe lojërave të fatit, si dhe plotësim-ndryshimin e ligjit ekzistues. 

Pas mbledhjes së Kryesisë Kuvendi pritet të mblidhet në seancë të jashtëzakonshme, për të diskutuar lidhur me kërkesën e deputetëve nënshkrues. ​