20 Nëntor 2019

Kosovës i duhet integrimi në BE dhe jo Evropës integrim këtu

Prishtinë, 10 korrik - Njohësi i çështjeve ekonomike në vend, Safet Gërxhaliu ka deklaruar se zhvillimi ekonomik i Kosovës në këtë fazë është mëse i nevojshëm, por se në këtë kohë institucionet e Kosovës më shumë kanë qenë të fokusuar në agjendën politike sesa ekonomike.

Sipas tij, duhet të mos humbet më shumë kohë, por të bëhen veprime dhe të mos mbetemi mbrapa karshi shteteve të rajonit, disa prej të cilave janë shumë përpara neve në rrugën e reformave, qoftë politike apo ekonomike.

“Në radhë të parë duhet të kuptohet se Kosova ka nevojë të integrohet në familjen evropiane dhe jo Evropa të integrohet në Kosovë, e them këtë bazuar në diskursin politik të kohëve të fundit në Kosovë, ku për çdo gjë fajësohen të tjerët. Përshpejtimi i proceseve evropiane varet nga vet ne kosovarët, e në veçanti nga politikbërësit. Sa më shpejt që kuptohet rëndësia e integrimeve evropiane, procesi do të përshpejtohet”, tha ai për RTKlive.

Njohësi i çështjeve ekonomike në vend, Safet Gërxhaliu, vlerëosi se deklaratat se i kemi përmbushur të gjitha kriteret duhet të bazohen në faktet. “Sundimi i rendit dhe i ligjit është njëri nder kriteret kryesore për të ecur përpara”, vlerësoi ai.

Për Samitin e Berlinit, e në të cilën morën pjesë edhe liderët e Kosovës, Gërxhaliu i cili është pjesë e një mekanizmi i të tij, vlerësoi se liderët e Kosovës nuk kanë qenë të koordinuar mirë dhe për këtë kanë pësuar një grusht të fort. “Mos koordinimi i tyre ka sjellë një grusht të fortë, ndaj Kosovës”, tha ai.

Për proceset ekonomike të Kosovës, njohësi i çështjeve ekonomike në vend, Safet Gërxhaliu, tha se nga procesi i Berlinit, kanë përftuar shumë, që kalon shumën e 700 milionë eurosh.

“Kosova nga ky proces ka fituar projektin e Hekurudhës, është një arritje. Nga vendet e Ballkanit më së shumti ka përfituar Maqedonia Veriore. Por një gjë duhet të kuptohet se duhet të ketë rend dhe sundim të ligjit për të ecur përpara”, tha ai.

Ndryshe Safet Gërxhaliu ka qenë për shumë vitet kryetari i Odës Ekonomike të Kosovës, kurse vitin e kaluar është emëruar sekretar gjeneral në Forumin Investiv të odave ekonomike të Ballkanit Perëndimor në Trieste të Italisë, i cili ka dalë nga procesi i Berlinit.
 

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)