19 Mars 2024

Kosova duhet të jetë një qendër rajonale për zhvillimin e ekonomisë dixhitale

Dubai, 16 Janar - Ministri i Inovacionit dhe Ndërmarrësisë, Besim Beqaj po prezanton Kosovën në Forumin Ekonomik, i cili po mbahet në Dubai.

Beqaj para  Ministrit të Ekonomisë së Dubait Sultan Bin Saed Al Mansouri, dhe pjesëmarrësve tjerë foli për mundësitë që Kosova jep për zhvillimin ekonomik për Rajonin dhe më gjerë. 

“ Vizioni im është ‘Kosova të jetë një qendër rajonale për zhvillimin e ekonomisë dixhitale’”, deklaroi  Ministri Beqaj.

Ai para homologëve arabë, përendi arsyet pse duhet të investohet në Kosovë. “Vend-ndodhja Strategjike; Infrastruktura; Popullsia; Kosto të ulëta operacionale; Legjislacioni dhe Marrëveshjet; Ambienti i Biznesit në Kosovë; Stabiliteti ekonomik (PBB); Qeveria ka ndarë një sasi të konsiderueshme të investimeve direkte në sektorin privat për të stimuluar inovacionin brenda ndërmarrjeve dhe për të rritur potencialin e eksportit dhe Stabiliteti ekonomik”, tha kreu i Ministrisë së Inovacionit dhe Ndërmarrësisë.

Duke përshkruar Kosovën, si një vend me mundësi të jashtëzakonshme, Ministri Beqaj ftoi investitorët nga Emiratet e Bashkuara Arabe, ta konsiderojnë Kosovën seriozisht si një mundësi për investime.

Ndër të tjera, i pari i Inovacionit dhe Ndërmarrësisë, para të pranishmëve prezantoi vendin tonë, si të veçantë në zhillimin ekonomik, marrë parasyshë se Kosova ka popullsinë më të re në Evropë me 70 për qind të popullsisë që është nën moshën 35 vjeçare.

Projekti konkret, që Beqaj prezantoi para përfaqësuesve të Emirateve të Bashkuara, ishte Parku Trajnues gjermano-kosovar, në Prizren, si një mundësi e madhe për zhvillimin ekonomik të Republikës së Kosovës, në shumë fusha.

Duke përmendur axhendën dixhitale të Komisionit Evropian për Kosovën, Beqaj tha se konsideron që Republika e Kosovës është një treg tërheqës për kompanitë prodhuese dhe TIK-të. “Unë besoj fuqishëm në zhvillimin mbarëkombëtar të sektorit të TIK-ut, si ambasador i fuqishëm ekonomik i vendit”, theksoi Beqaj.

Me këtë rast, ai përmendi eksportin që Kosova ka bërë gjatë vitit 2018 me shërbimeve dixhitale, si një e arritur e madhe.

Poashtu, Ministri përmendi hapat konkret që Kosova po bën për ta zhvilluar sektorin e inovacionit dhe teknologjisë, siç janë: Infrastruktura ligjore; Infrastruktura fizike; Infrastruktura financiare dhe  Paketa fiskale.

Ndryshe, Forumi Ekonomik që po mbahet në Dubai, është forum në mes të Republikës së Kosovës dhe Emirateve të Bashkuara Arabe.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)