20 Shtator 2020

Komuna e Zveçanit ndërton infrastrukturën me fonde të BE

Prishtinë, 24 shkurt - Sot, Zyra ndërlidhëse e Komisionit Evropian zyrtarisht përuroi shkollën e re të sapondërtuar për pesëdhjetë nxënës në Zhazhë, në komunën e Zveçanit. Ndërtimi ka kushtuar 265,150 euro dhe u financua në tërësi nga Bashkimi Evropian.

Zhazha është një fshat i vogël ku deri kohëve të fundit mësimet mbaheshin në konteinerë. Ndërtesa e re me gjithësej 310 m2 ka katër klasë, sallën e mësimdhënësve dhe një zonë për nevoja të ndryshme.

Shkolla e re ofron klasë tërheqëse dhe të rehatshme për nxënësit dhe mësimdhënësit dhe ndihmon komunën në përpjekjet e saj për të ofruar infrastrukturë cilësore për popullsinë e saj. 


Ndërtesa është pjesë e fazës së dytë të programit social e ekonomik komunal me vlerë të investimeve prej gjithsejt 15 milionë eurosh, i paraparë për të ngritur infrastrukturën sociale dhe ekonomike në disa komuna të Kosovës. Synimi kryesor i programit është përmirësimi i shërbimeve publike për popullsinë, me theks në komunat e anashkaluara. 


Kohëve të fundit janë ndërtuar katër shkolla të reja në Kosovë me fondet e BE-së, në Gjakovë, Podujevë, Ferizaj, e Gjilan. Javën e ardhshme do të përurohen edhe dy shkolla të reja në fshatrat Sevcë dhe Brod në komunën e Shtërpcës.
 

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)