12 Prill 2021

Komuna e Rahovecit liron bizneset nga taksa dhe qiraja mujore komunale

Rahovec, 26 shkurt - Kryesuar nga kryesuesi i Kuvendit Afrim Dina, është mbajtur sot mbledhja e dytë e rregullt e Kuvendit Komunal të Rahovecit për vitin 2021. Në mbledhje kanë marrë  pjesë: kryetari i Komunës Smajl Latifi, anëtarët e Kuvendit Komunal dhe drejtorët e drejtorive komunale.

Gjatë mbledhjes së sotme janë shqyrtuar dhe miratuar këto pika: Shqyrtimi i Propozim vendimit për bartjen e të hyrave vetanake të vitit 2020; Shqyrtimi i Propozim vendimit për ndryshimin dhe plotësimin e Rregullores për Taksa Komunale 01 Nr. 80/20, e datës 29.06.2020; Shqyrtimi i Propozim vendimit për shpalljen me interes të përgjithshëm publik pjesën e parcelës P-71510057-01687-3 në Zonën Kadastrale Rahovec; Shqyrtimi i Propozim vendimit për lirim nga taksa komunale për bizneset që operojnë në Komunën e Rahovecit; Shqyrtimi i Propozim vendimit për lirim nga qiraja mujore për bizneset dhe personat fizik të cilat shfrytëzojnë pronën e paluajtshme të Komunës dhe Informatë për Zonën e mbrojtur “Kanioni i Drinit të Bardhë te Ura e Fshejtë”; Vendim për shfuqizimin e vendimit 01 Nr.165/21 te datës. 29.01.2021 për shpalljen me interes të përgjithshëm publik pjesën e parcelës P-71510066-00386-1 në Zonën Kadastrale në Pastasellë; Vendim për ndryshimin dhe plotësimin e vendimit 01 Nr. 149/20 për miratimin e listës për emërtimin e rrugëve dhe shesheve në Komunën e Rahovecit dhe Vendimi për caktimin e komisionit për zgjedhjen e drejtorit/es dhe zëvendësdrejtorit/eshës së institucioneve edukativo-arsimore dhe aftësues parauniversitar (IEAAP).

Në fund të mbledhjes, kuvendari Qazim Qeska i cili vije nga subjekti politik i Partisë Demokratike të Kosovës (PDK), ka dhënë dorëheqje nga pozita e kuvendarit për arsye siç ka thënë ai se ligji nuk i lejon të mbaj pozitën e kuvendarit dhe të punoj si avokat.

Për punën e deritanishme të Qazim Qeskës fjalë të mira kanë thënë të gjithë kryetarët e grupeve politike që janë të përfaqësuar në Kuvendin Komunal të AAK-së, LDK-së PDK-së VV-së, AKR-së.

Ndërsa kryesuesi i kuvendit, Afrim Dina ka thënë se ishte nder dhe privilegj të punoj për këto vite me Qazim Qesken,  kontributi dhe angazhimi i tij ka qenë shumë i nevojshëm dhe shumë i arsyeshëm.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)