12 Dhjetor 2019

Kompania “We’re hiring n’Mitrovicë” me mbi 140 vende të lira të punës

Mitrovicë, 18 korrik - Nën mbështetjen e GIZ-it, në kuadër të projektit YES i cili ka për synim të rrisë punësimin e të rinjve duke përmirësuar cilësinë e Arsimit, formimin profesional dhe forcimin e mekanizmave të përputhjes ndërmjet ofertës dhe kërkesës në tregun e punës, është formuar kompania virtuale “We’re hiring n’Mitrovicë” e cila kompani në përbërje të saj ka nxënës që hulumtojnë dhe mbledhin informacion për të gjitha mundësitë e punës, vendeve të lira të praktikës dhe ofrimin e shërbimeve. Kjo kompani është duke operuar në ambientet e Shkollës Ekonomike “Hasan Prishtina” në Mitrovicë.

Kompania “We’re hiring n’Mitrovicë” është e ndarë në katër (4) departamente:

- Departamenti i Administratës dhe kontabilitetit (kryen punët logjistike dhe menaxhon financat e kompanisë)

- Departamenti i Zyrës (hulumton mundësitë që ofron tregu i punës dhe kontakton bizneset për caktim të intervistave)

- Departamenti i Terrenit (realizon intervistat me bizneset ne terren, dhe ploteson pyetësorët mbi vendet e lira të punës dhe ofrimin e shërbimeve)

- Departamenti i Menaxhimit të të Dhënave dhe Cilësisë (digjitalizon të dhënat dhe pasuron platformën www.busulla.com me informatat mbi vendet e lira të punës dhe praktikes)

Nxënësit pjesëmarrës në kompani, të cilët kanë rastin që për dy javë rresht të jenë të punësuar virtual në kompani, kanë ndjekur një sërë aktivitetesh për ngritje të kapaciteteve të tyre, para se të fillojnë të zbatojnë njohuritë e fituara edhe praktikisht. Në këtë mënyrë, nxënësit kanë marrë përgjegjësinë që përmes punës së tyre, të i ofrojnë bashkëmoshatarëve, por edhe punëkërkuesëve të tjerë potencial informatat e nevojshme që ofron tregu i punës në Mitrovicë.

Përkrahja institucionale që i është dhënë kompanisë “We’re hiring n’Mitrovicë” nga Komuna e Mitrovicës dhe Qendra për Punësim në Mitrovicë, është një garant që qëndrueshmëria e kompanisë dhe puna e saj të vazhdojë edhe në vitet në vijim, duke pasur parasysh që vetëm gjatë dy javëve të punës, kompania “We’re hiring n’Mitrovicë” ka arritur të gjejë mbi 700 biznese aktive që operojnë në regjionin e Mitrovicës, nga to janë kontaktuar mbi 150 sosh, prej të cilave mbi 50 kompani ofrojnë vende të lira pune dhe praktikë profesioanle, Në total në Mitrovicë janë mbi 140 vende të lira të punës në sektor të ndryshëm që ofron tregu jonë, të cilat mund të gjinden tek platforma www.busulla.com. 

Kalendari

Ngjarjet e datës 12 dhjetor 2019 - Zyrtarja për Demokraci dhe Qeverisje e USAID-it në Kosovë, Christina Davies, do të flasë në hapjen e konferencës së titulluar Rritja e Transparencës së Gjyqësorit. (Biblioteka Kombëtare, ora 9:30)

- Koalicioni i OJQ-ve për Javën Kundër Korrupsionit organizon tryezën e diskutimit me titull “Sinjalizuesit në luftën kundër korrupsionit në prokurim publik”. (Hotel Sirius, ora 10:00)

- Ojq ETEA dhe Kuvendi i të Rinjve të Prishtinës organizojn hapjen e minibibliotekës në Sheshi “Adem Jashari” në Prihtinë. (Sheshi “Adem Jashari”, ora 10:00)

- UBT dhe Radio Deutsche Welle, në kuadër të projektit “Balkan Booster”, organizojnë debatin më temë diskutimi: “Degradimi i mjedisit dhe qasja e medias ndaj mjedisit”, debat në të cilin shfaqet kontributi dhe qasja e medias ndaj këtij problemi. (Kampusi Inovativ i UBT-së në Lipjan, ora 11:00)

- Drejtori i Bujqësisë në Gjilan, Ramiz Ramadani dhe drejtoresha e organizatës për zhvillim rural “Mëshqerra”, Florentina Kida-Gërguri mbajnë konferencë për media më qëllim sqarimin lidhur me keqinformimin e opinionit nga disa media, rreth shpërndarjen e lopëve qumështore. (Zyra e Kryetarit të Komunës së Gjilanit, ora 11:00)

- RIT Kosova dhe Instituti për Trajnime Zhvillimore organizon ceremoninë e ndarjes së çertifikatave për studentët që i kanë përfunduar me sukses kurset të Koslift. (Objekti i RIT Kosova AUK, ora 11:30)

- Shoqata e të Drejtave të Pacientëve në Kosovë organizon tryezën “Sigurimet Shëndetësore po fillojnë ?!” (Hotel AFA, ora 12:00)

- Ojq ETEA dhe Kuvendi i të Rinjve të Prishtinës organizojn hapjen e minibibliotekës në Kampusi Universitar. (Kampusi Universitar në Prishtinë, ora 12:00)

- Aksionari i institucionit jo-bankar Monego organizon konferencë për shtyp, rreth vendimit të Bankës Qëndrore dhe revokimit të licencës së Monego. (Shoqëria e Avokatëve “Koci & Vokshi”, Rr. Robert Doll Nr.19, ora 13:00)

- Drejtoresha e misionit të USAID-it në Kosovë, Lisa Magno, do të flasë në ngjarjen e shënimit të sukseseve të aktivitetit të USAID-it Fuqizimi i Sektorit Privat, i cili filloi në vitin 2014. (Hoteli Emerald, ora 13:30)

- Grupi për Studime Juridike dhe Politike organizon konferencën për media me temë “Lufta kundër pastrimit të parave dhe konfiskimit të aseteve të fituara në mënyrë të kundërligjshme: Ku qëndron Kosova?”. (Qendra e Konferencave Orion, ora 14:00)

- Kolegji Heimerer organizon tryezë diskutimi me temën “E tashmja dhe e ardhmja e Sistemit Informative Shëndetësor në Kosovë”. (Kolegji Heimerer, ora 14:00)

- Prezantohet shfaqja multidisiplinore Alter..."Një rrugetim në vete të parë" , e cila do të mbahet për herë të parë në Prishtinë. (Salla e Kuqe në Pallatin e Rinisë, ora 19:30)