06 Dhjetor 2022

Kompania gjermane Henkel mbyllë biznesin në Rusi

Berlin, 19 prill - Kompania gjermane e mallrave kimike dhe të konsumit ‘Henkel’ ka bërë të ditur se ka vendosur të mbyllë aktivitetet e saj të biznesit në Rusi për shkak të luftës në Ukrainë.

“Procesi i ekzekutimit tani po përgatitet. Henkel do të punojë ngushtë me ekipet e saj në Rusi për detajet për të siguruar një proces të rregullt”, tha kompania, e cila është e njohur për markat e saj të lavanderisë dhe bukurisë si Persil, Vernel, Fa, Pritt, Dial dhe Purex.

Shefi ekzekutiv i kompanisë ‘Henkel’, Carsten Knobel, tha se kompania dënon “luftën ruse kundër Ukrainës dhe dhunën kundër civilëve të pafajshëm”.

“Ne ofrojmë mbështetje të gjerë për punonjësit tanë dhe njerëzit në Ukrainë dhe në vendet fqinje duke ofruar donacione financiare, si dhe donacione ushqimore dhe materiale. Shumë punonjës të ‘Henkel’-it gjithashtu po ndihmojnë në kufij duke shpërndarë mallra të nevojshme ose duke u ofruar njerëzve nga Ukraina një vend për të qëndruar”, tha Knobel.

Lufta e Rusisë kundër Ukrainës, që filloi më 24 shkurt, ka shkaktuar mijëra vdekje, miliona njerëz të zhvendosur dhe një gamë të gjerë sanksionesh ndaj Moskës, veçanërisht nga Bashkimi Evropian (BE) dhe SHBA-ja.

Lufta gjithashtu ka nxitur një eksod të kompanive globale nga Rusia, duke filluar nga sektorë të teknologjisë, automobilistik dhe të energjisë deri në shitje me pakicë dhe sektorë të tjerë të ndryshëm. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)