23 Korrik 2019

Kodi Civil do të luajë një rol të madh në zhvillimin ekonomik të Kosovës

Prishtinë, 17 qershor - Në kuadër të fushatës "Të flasim për ekonominë!" të Zyrës së Bashkimit Evropian në Kosovë sot " në Shtëpinë e Evropës do të mbahet diskutimi në panel "kontributi i Kodit Civil në zhvillimin e qëndrueshëm ekonomik dhe ndërmarrësinë e grave në Kosovë.

Kosova vazhdon të punojë në reforma të ndryshme legjislative për të siguruar që korniza ligjore të përafrohet me Acquis të BE-së dhe parimet ligjore të cilat janë të përcaktuara në Kushtetutën e Republikës së Kosovës janë adresuar në secilin ligj.

Kodi Civil është pjesë e kësaj reforme legjislative. Kosova ende duhet të miratojë Kodin Civil si një strukturë themelore e Librave që mbështesin një ekonomi bashkëkohore dhe një sërë të drejtave civile dhe me një strukturë ligjesh procedurale duhet të siguroj bashkëpunimin gjyqësor në çështjet civile dhe komerciale. Struktura e Drejtave Civile, siç është trajtuar në Kodin Civil, do të sigurojë që të gjitha gratë dhe burrat, por edhe pakicat dhe grupet e tjera të cenuara në shoqërinë e Kosovës kanë pjesë të barabarta në zhvillimin ekonomik të vendit që përfshin mundësitë për vende të punës dhe ndërmarrësi.

Duke parë si më sipër, Kodi Civil do të luajë një rol të madh në zhvillimin ekonomik të Kosovës dhe qytetarëve të saj pa dallim.

Të bërit biznes dhe ekzistimi i sundimi i mirëfilltë i ligjit shkojnë krah për krah pasi investitorët janë shumë të varur nga funksionet e duhura të institucioneve gjyqësore dhe profesioneve të tjera juridike, siç janë noterët dhe odat ekonomike, për tu siguruar që investimet e tyre të mbrohen.

Paneli i diskutimit për programin e Kodit Civil, i financuar nga BE-ja, do të përshkruajë rëndësinë e së drejtës civile dhe të së drejtës komerciale për zhvillimin ekonomik të Kosovës, bashkëpunimin gjyqësor në çështjet civile dhe tregtare, si dhe rëndësinë e përdorimit të të drejtave civile për të siguruar pronën ekonomike për të gjithë personat në Republikën e Kosovës.

"Të flasim për Ekonominë!" përqendrohet në paraqitjen e angazhimit të BE së në progresin ekonomik, tashmë të shënuar në Kosovë dhe përfshirjen e tanishme dhe të ardhshme në perspektivat e zhvillimit. Fushata synon të japë shembuj konkret për krijimin e vendeve të punës, investimet e huaja dhe zhvillimin e suksesshëm të sektorit privat, përfshirjen e të rinjve dhe grave në sektorin e biznesit, mbështetje për trajnime në punë, zhvillimin e start-apeve dhe ndërmarrësisë.
 

Kalendari

Ngjarjet e datës 23 korrik 2019 - Mbahet ceremonia e nënshkrimit të momerandumit të bashkpunimit mes Komunës së Lipjanit dhe Organizatës “Qatar Charity”. (Komuna e Lipjanit, Zyra e Kryetarit, ora 9:30​)

- Komisioni Hetimor Parlamentar në lidhje me gjendjen në PTK dhe Vala interviston  Sebaudin Ramaxhiku, Zyrtar Ligjor në Telekom dhe Arben Hlili, Shef i Kontabilitetit Departamenti i Financave në Telekom. (Ndërtesa e Kuvendit, salla N 303, ora 10:00)

- Kryetari i Komunës së Prizrenit, Mytaher Haskuka do të merr pjesë në shpërndarjen e lopëve qumështore, për përfituesit nga thirrja e hapur nga Drejtoria e Bujqësisë dhe Zhvillimit Rural. (Tregun i Kafshëve, rruga e tranzitit, Arbanë, ora 11:30 - Nisja do të bëhet nga Shtëpia e Bardhë, ora 11:00)

- Partnerët implementues OJQ Dera e Hapur dhe OJQ SOZM organizojnë panairin e Artizanateve dhe Trashëgimisë Kulturore në Prishtinë. (Sheshi “Adem Jashari” në Prishtinë, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Raportit të Punës së Komisionit për sesionin pranveror 2019. (Ndërtesa e Kuvendit, salla N 302, ora 11:00)

- Nën përkujdesjen e Kryetarit, Lutfi Haziri, bëhet promovimi i librit “Le secret de Blerim et autres fictions - Sekreti i Blerinit dhe proza të tjera” i autorit Jean Yves Carlen. (Salla e Kuvendit Komunal në Gjilan, ora 12:00)

- Grupi i Aktivistëve organizojnë marshin protestues kundër racizmit për të kërkuar përgjegjësi para Këshillit Prokurorial të Kosovës. (Sheshi "Skënderbeu", ora 12:00)

- Lëvizja Vetëvendosje mban konferencë për media në të cilën flasin nënkryetari Besnik Bislimi dhe Drejtuesi i Grupit Parlamentar Glauk Konjufca. (Zyrët e Vetëvendosjes, ora 13:00)

- Ministri i Mjedisit dhe Planifikimit Hapësinor, do të vizitojë Gjilanin, ku me kryetarin e komunës, Lutfi Haziri do të nënshkruajnë memorandume të bashkëpunimit për financimin e projekteve në fushën e mjedisit në këtë komunë. (Ndërtesa e Komunës së Gjilanit, ora 14:00)

- Ministria e Tregtisë dhe Industrisë mban seminar te Biznesit Ndërkombëtar për Zhvillimin e Zonës Industriale të Re në Drenas në të cilën do të merr pjesë edhe ministri i Tregtisë dhe Industrisë, Endrit Shala. (Swiss Diamond Hotel, ora 14:30)