18 Korrik 2018

KDI dhe Komuna e Pejës, marrëveshje për hapjen e kontratave publike

Pejë, 17 prill - Instituti Demokratik i Kosovës (KDI), ka nënshkruar sot Memorandum Bashkëpunimi me Komunën e Pejës, mbi hapjen e të dhënave të prokurimit nga kjo komunë.

Kështu Peja bëhet komuna e parë në Kosovë që do të bëjë publikimin e dokumenteve kontraktuale dhe raporteve financiare lidhur me shpenzimet përmes procedurave të prokurimit.

Kjo marrëveshje u nënshkrua ndërmjet drejtorit ekzekutiv të KDI-së, Ismet Kryeziu dhe kryetarit të Komunës së Pejës Gazmend Muhaxheri.

Bazuar në të, Komuna e Pejës do të bëjë publikimin në ueb faqe të planit të prokurimit, publikimin e  një raporti financiar mujor të shpenzimeve të prokurimit, publikimin e dosjes së tenderit, publikimin e kontratave të vlerës së mesme dhe të madhe si dhe publikimin e një raporti 6 mujor të prokurimeve të planifikuara kundrejt të realizuara për periudhën kohore në fjalë.

Kjo marrëveshje është nënshkruar në kuadër të projektit “Komunat llogaridhënëse përmes prokurimit transparent” të mbështetur nga KFOS që ka të bëjë me avokimin se si të rritet transparenca dhe llogaridhënia në prokurim publik duke pasur parasysh që ky proces mbetet edhe më tej i mbyllur për qytetarët.

Kalendari

Ngjarjet e datës 18 Korrik 2018 - Asociacioni i Gazetarëve të Kosovës së bashku me UNDP organizojnë takim me shoqërinë civile dhe gazetarë ku do të flasin për Sustainable Development Goals, konkretisht në lidhje varfërinë, se si kjo dukuri raportohet nga mediet dhe se si shoqëria civile e promovon rrënjosjen e varfërisë në Kosovë. (Qendra Termokiss, ora 9:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me Komisionit me rektorët e Universiteteve Publike. (Ndërtesa e Kuvendit, salla N 204, ora 10:00)

- Mbahet takimi i radhës së Komisionit Qeveritar për Persona të Zhdukur. (Ndërtesa e Qeverisë, salla P-38, ora 10:00)
   
- Ministris së Punës dhe Mirëqenies Sociale Skender Reçica raporton para Komisionit për Shëndetësi, Punë dhe Mirëqenie Sociale lidhur me zbatimin e Ligjit për aftësimin, riaftësimin profesional dhe punësimin e personave me aftësi të kufizuara. (Ndërtesa e Kuvendit, salla N 302, ora 10:00)   

- Me rastin e shënimit të “Epopeja e korrikut 1998”, Komuna e Rahovecit dhe shoqatat e dala nga UÇK-ja, degët në Rahovec, bëjnë homazhe te vendi i betejës. (Përmendorja e dëshmorëve në Fortesë, Rahovec, ora 10:00)   

- Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal mban dëgjim publik për Projektligjin për ndryshimin dhe plotësimin e Ligjit për Automjete. (Ndërtesa e Kuvendit, salla N 10, ora 11:00)   

- Mbahet mbledhja e Komisionit për Buxhet dhe Financa në të cilen do te shqyrtohet Projektligji për Kompleksin Memorial “Adem Jashari” në Prekaz dhe amendamenteve të Komisionit për Bujqësi, Pylltari, Zhvillim Rural, Mjedis dhe Planifikim Hapësinor. (Ndërtesa e Kuvendit, Salla C 203, ora 11:00)
   
- Me rastin e shënimit të “Epopeja e korrikut 1998”,  mbahet akademi përkujtimore dhe shfaqet premiera e filmit dokumentar “Agimi i lirisë”, kushtuar dëshmorit Agim Kelmendi, në 20-vjetorin e rënies. (Qendra e kulturës “Mensur Zyberaj”, Rahovec, 11:00)   

- Kryetari i Odës Ekonomike të Kosovës, Berat Rukiqi në kompaninë “HIB Petrol”. (HIB Petrol, rruga per Ferizaj, afer Hotel Emerald, ora 11:45)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i Raporteve të Komisioneve Kryesore për Projekt-Rregulloren e Kuvendit, etj. (Ndërtesa e Kuvendit, Salla N 2014, ora 13:00)   

- Me rastin e shënimit të “Epopeja e korrikut 1998”, organizatat e dala nga lufta e UÇK-së organizojnë akademi përkujtimore për komandantin Gani Paçarizi. (Salla e Kuqe në Pallatin e Rinisë, ora 17:00)  

- Hapet ekspozita personale e artistit Dëfrim Jupa. (Galeria “Monet Arts & Books”, rr. “Hajdar Dushi”, ora 19:00)