Istog, 22 gusht - Sot në sallën e Kuvendit Komunal në Istog, Kryetari i Komunës, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022.

Në këtë dëgjim qytetarët do të njoftohen me Draft Buxhetin Komunal për vitet 2020-2022 si dhe do të njoftohen me planin e projekteve kapitale për këtë periudhë.

"Qytetarë të nderuar shfrytëzoni të drejtën tuaj që të jeni pjesëmarrës aktiv dhe propozoni prioritetet për të cilat mendoni që duhet të përfshihen në listën e prioriteteve si dhe kontribuoni që kjo listë të jetë sa më reale dhe të përfshihen edhe nevojat e mesit ku jetoni", ka deklaruar Rugova në ftesën drejtuar qytarëve.