23 Maj 2019

Investimi në të rinjtë kyç për suksesin në fushën e ndërmarrësisë

Prishtinë, 13 nëntor- Përmirësimi i mëtejmë i elementeve të ekosistemit të ndërmarrësisë, e posaçërisht investimi në kapitalin njerëzor, por edhe ruajtja e stabilitetit ekonomik dhe politik janë kyçe ashtu që përpjekjet e vendit për promovim të ndërmarrësisë dhe inovacionit të kenë sukses. Kjo u tha gjatë tryezës mbi Ndërtimin e një Ekosistemi të Qëndrueshëm të Ndërmarrësisë e cila shënoi edhe aktivitetin e parë pas hapjes zyrtare të Javës Globale të Ndërmarrësisë.

Në tryezën e organizuar nga Innovation Centre Kosovo (ICK) dhe Oda Ekonomike Amerikane në Kosovë folën ambasadorja e Suedisë Karin Hernmarck Ahliny, ambasadori i Gjermanisë Christian Heldt dhe ambasadori i Norvegjisë Per Strand Sjaastad, si dhe Ministri i Inovacionit dhe Ndërmarrësisë Besim Beqaj.

Në panelin e moderuar nga drejtori ekzekutiv i Odës Amerikane Arian Zeka u fol për nevojën e eliminimit të dështimeve sistemore që pamundësojnë një ndërmarrësi gjithëpërfshirëse në shoqërinë kosovare, identifikimin e potencialeve në të cilat do të mund të bazohej zhvillimi ekonomik i vendit. Zeka falënderoi ambasadorët e huaj për përkrahjen e Kosovës në përgjithësi, por edhe të Qendrës së Inovacionit, përmes të cilës janë përkrahur shumë startupe të suksesshme. Derisa, Drejtori Ekzekutiv i Innovation Centre Kosovo (ICK) Uranik Begu ndau vlerësimet “Kampionët e Inovacionit” për ambasadorët panelistë si dhe për Ministrin e Inovacionit.

Për sa i përket kapitalit njerëzor, si njëri ndër hallkat më të rëndësishme në zinxhirin e ekosistemit të ndërmarrësisë, u tha se duhet një investim më i madh në trajnimin e të rinjve, derisa u përmend edhe sistemi gjerman dual i edukimit, i cili do të mund të replikohej me sukses edhe në Kosovë. Poashtu, u fol edhe për rëndësinë e ofrimit të hapësirës së nevojshme infrastrukturore për të rinjtë e jashtëzakonshëm të Kosovës, derisa Parku Kosovaro-Gjerman i Inovacionit dhe Trajnimit, i cili do të zë vend në ish bazën ushtarake të kontingjentit gjerman të KFOR-it do të ofrojë këtë hapësirë të nevojshme.

Sa i përket ideve të mundshme që do të mund të karakterizonin ndërmarrësinë kosovare, panelistët folën për rëndësinë e identifikimit të shërbimeve të kërkuara nga kompanitë jashtë vendit, e të cilat do të mund të ofroheshin nga ndërmarrësit e rinj kosovarë, por edhe për nevojën e shndërrimit të Kosovës në një prodhues të teknologjisë në vend të konsumuesit të saj.

Ambasadorët e Suedisë, Gjermanisë dhe Norvegjisë u shprehën optimistë për të ardhmen e Kosovës në fushën e ndërmarrësisë, derisa zotuan përkrahjen e tyre të vazhdueshme në këtë drejtim.

Kalendari

Ngjarjet e datës 23 maj 2019 - Instituti për Politikë të Jashtme të Kosovës organizon konferencën "Politika  e Kosovës në këndveshtrim shkencor." (Hotel Sirius, ora 9:30)

- Instituti Riinvest organizon konferencën “Korrupsioni nga ana e ofertës: Perspektiva e bizneseveve”. (Hotel Swiss Diamond, ora 10:00)

- Kryeparlamentari Kadri Veseli mban konferencë për media. (Holli i Kuvendit të Kosovës, ora 10:00)

- Rrjeti Ballkanik për Gazetari Hulumtuese dhe Internews Kosova do ta publikojnë Raportin Vjetor të Monitorimit të Gjykatave për vitin 2018. (Ambientet e objektit A të Pallatit të Drejtësisë, ora 10:00)

- Themelohet Shoqata e Inovacionit Financiar, nga institucione financiare jo-bankare. (Hotel “Sirius”, ora 10:00)

- Anulohet - Forumi Ballkanik organizon tryezën rajonale "Zgjedhjet parlamentare të BE-së dhe implikimet për Kosovën dhe rajonin e Ballkanit Perëndimor". (Hotel Sirius, ora 10:00)

 - Oda Ekonomike Amerikane në Kosovë organizon tryezën e radhës të titulluar Indeksi i Zhvillimit të Sektorit të Prodhimit, ku do të prezantohen të gjeturat e një studimi mbi konkurrueshmërinë e sektorit të prodhimit. (Swiss Diamond Hotel, ora 10:30)

- E Ngarkuara me Punë Coleen Hyland do të flasë me rastin e nënshkrimit të Memorandumit të Mirëkuptimit në mes të partnerit implementues të USAID-it Qendrës për Arsim të Kosovës dhe 7 komunave. (Hoteli Emerald, ora 11:00)

- Ministri i Kulturës, Rinisë dhe Sportit, Kujtim Gashi do të organizojë ceremoninë e ndarjes së shpërblimeve për sportistët dhe trajnerët. (Kabineti i Ministrit të Kulturës, ora 11:00)

- Komisioni për Shëndetësi, Punë dhe Mirëqenie Sociale takohet me Ambasadoren e Suedisë në Kosovë znj. Karin Hernmarck - Ahliny. (Ndërtesa e Kuvendit, salla N 302, ora 11:00)

- Aleanca Kroosvare e Bizneseve organizon konferencën për media me temë "Taksa 100% a është ekonomike a politike kundër Serbisë". (Zyret e AKB-së, ora 13:00)

-  Komisioni Qendror i Zgjedhjeve shpallë rezultatet përfundimtare të zgjedhjeve të jashtëzakonshme për kryetar në komunat: Leposaviq, Zveçan, Zubin Potok dhe Mitrovicë e Veriut. (objekti i KQZ-së, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)