05 Dhjetor 2022

Inflacioni vjetor në zonën e OECD-së arriti në 7,7 për qind

Vjenë, 6 prill - Inflacioni vjetor në zonën e Organizatës për Bashkëpunim dhe Zhvillim Ekonomik (OECD) arriti në 7,7 për qind në muajin shkurt, që është shkalla më e lartë që nga dhjetori i vitit 1990.

Sipas deklaratës së OECD-së, shkalla e inflacionit u rrit nga 7,2 për qind në janar, respektivisht 1,7 për qind sa ishte në shkurt 2021.

Çmimet e energjisë vazhduan të rrisin inflacionin në shumicën e vendeve të OECD-së dhe inflacioni i çmimeve të ushqimeve gjithashtu tregoi një rritje të dukshme.

Me përjashtim të energjisë, shkalla vjetore e inflacionit ishte 5,5 për qind në mars.

Inflacioni vjetor në zonën e G20 shënoi gjithashtu një rritje prej 6,8 për qind në shkurt 2022, kundrejt 6,5 për qind në janar 2022.

"Jashtë zonës së OECD-së, inflacioni nga viti në vit u rrit ndjeshëm në Argjentinë. Ai ishte i qëndrueshëm në Kinë dhe Afrikën e Jugut ndërsa u ul në Indi", thuhet në deklaratë.

Të gjitha ekonomitë e G7 panë rritje vjetore ndërsa shkalla më e madhe e inflacionit u regjistrua nga SHBA (7,9 për qind), shkalla më e lartë që nga janari i vitit 1982.

Në euro-zonë, shkalla e inflacionit ishte 5,9 për qind në muaj, kundrejt 5,1 për qind në janar 2022 dhe 0,9 për qind në shkurt 2021.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)