30 Janar 2023

Inflacioni në Eurozonë arriti në nivel rekord

Bruksel, 20 korrik - Zyra e Statistikave të Evropës (Eurostat) publikoi të dhënat rreth inflacionit vjetor për muajin qershor të Bashkimit Evropian (BE) dhe Eurozonës.

Inflacioni vjetor në muajin qershor në Eurozonë sipas Eurostat ka arritur në 8,6 për qind me ndikimin e rritjes së çmimeve të energjisë.

Sipas kësaj, inflacioni vjetor prej 8,1 për qind në muajin maj në Eurozonë, ka shkuar në 8,6 për qind në qershor.

Ndërkohë inflacioni vjetor që ishte 8,8 për qind në muajin qershor u bë 9,6 për qind.

Përqindja në fjalë e inflacionit, në qershor të vitit të kaluar në Eurozonë ishte 1,9 për qind, kurse në BE 2,2 për qind.

Të dhënat e inflacionit në Eurozonë mbahen që nga viti 1997.

Me këtë, inflacioni në qershor në Eurozonë shënoi nivelin më të lartë në 25 vitet e fundit prej kur kanë filluar të mbahen të dhënat.

Inflacioni nga vera e vitit të mëparshëm gjithmonë shënon rritje, ndërsa edhe në muajt e kaluar kishte arritur nivele të larta.

Në qershor, kontributin më të madh në rritjen vjetore të inflacionit në Eurozonë e dhanë produktet energjetike me 4,19 për qind. Më pas me 1,88 për qind produktet ushqimore, të alkoolit dhe duhanit, me 1,42 për qind shërbimet si dhe me 1,15 për qind produktet industriale joenergjetike.

Inflacioni në qershor në Gjermani u shënua 8,2 për qind, në Francë 6,5, në Spanjë 10, në Itali 8,5, në Belgjikë 10,5, në Bullgari 14,8, në Çeki 16,6, në Letoni 19,2, në Lituani 20,5 dhe në Estoni 22 për qind.

Kështu, në 15 nga 27 vende anëtare të BE-së përqindja e inflacionit arriti në numra dyshifrore.

Inflacioni është shumë mbi objektivin prej 2 për qind të Bankës Qendrore Evropiane (BQE).

Rritja e fundit e inflacionit ka shqetësuar edhe evropianët.

Evropa aktualisht po përballet me rritjen e çmimeve të përgjithshme, veçanërisht në produktet bazë ushqimore dhe energjetike.
 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)