25 Shkurt 2020

Grupi i Bankës Botërore kremton 20 vite partneritet në Kosovë

Prishtinë, 21 nëntor - Grupi i Bankës Botërore kremtoi 20 vjetorin e angazhimit të vet në Kosovë, i cili ka nisur në vitin 1999, kur Grupi i Bankës Botërore iu bashkua përpjekjeve ndërkombëtare për të mbështetur rindërtimin dhe rimëkëmbjen e Kosovës dhe hapi një zyrë terreni në Kosovë.

Në qershor 2009, Kosova u bë anëtare e plotë e Grupit të Bankës Botërore me përfaqësim në Bordin Drejtues dhe me qasje të plotë në financime dhe shërbime të ofruara nga pesë institucionet e Grupit të Bankës Botërore.

Banka Botërore fillimisht u fokusua në vlerësimin e nevojave për rindërtim dhe hartoi një program të rimëkëmbjes që siguroi bazën për mobilizimin e mbi 2 miliardë dollarëve të asistencës së donatorëve në tre konferenca donatorësh të bashkë-kryesuara me Komisionin Evropian.

“Banka Botërore ka mbështetur zhvillimin ekonomik dhe përmirësimet në jetët e njerëzve në Kosovë që menjëherë pas konfliktit, dhe jemi krenarë që kemi një zyrë vendi që këtë vit i mbush 20 vjet, dhe që punëson kryesisht kosovarë,” tha drejtoresha e Bankës Botërore për Ballkani Perëndimor, Linda Van Gelder. “Ne presim të vazhdojmë të mbështesim rritjen dhe zhvillimin e Kosovës”.

Partneriteti i Grupit të Bankës Botërore me Kosovën u rrit me kalimin e viteve, nga faza e rindërtimit pas konfliktit ku fokusi ishte te normalizimi i jetës dhe ekonomisë; në fazën vijuese, me fokus në ndërtimin e institucioneve dhe thellimin e bazave të një ekonomie të tregut; deri më sot, kur Banka Botërore përpiqet të forcojë konkurrueshmërinë e ekonomisë së drejtuar nga sektori privat; të përmirësojë cilësinë dhe efikasitetin e shërbimeve publike, veçanërisht atyre që synojnë ndërtimin dhe mbrojtjen e kapitalit njerëzor; dhe të forcojë qëndrueshmërisë dhe reziliencën fiskale dhe mjedisore.

Gjatë njëzet viteve të fundit, Banka Botërore ka sjellë rreth 500 milion dollarë në projekte investimesh dhe asistence teknike, të financuar përmes granteve dhe huave koncesionare për të mbështetur ekonominë e Kosovës dhe për të përmirësuar jetën e qytetarëve. Për më tepër, IFC-ja ka angazhuar 139 milion dollarë dhe ka mobilizuar 319 milion dollarë për të mbështetur zhvillimin e sektorit privat.

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)