21 Shtator 2020

Greqia shpalli masa emergjente për shkak të rënies ekonomike

Athinë, 3 shkurt - Kryeministri grek Jorgos Papandreu i drejtoi mbremë apel kombit dhe shpalli masat emergjente të programit të tij të rreptë të kursimeve. Papandreu theksoi se masat do ta shpëtojnë “vendin nga gremina” dhe do ta venë ekonominë “në orbitë zhvillimi”. Shkurtimet drastike të shpenzimeve publike dhe lufta kundër evazionit fiskal, ngrirja e pagave në sektorin

publik si dhe rritja e taksës së karburantit ishin disa nga masat e shpallura prej tij. “Sot Greqia ndodhet në epiqendër të një loje spekulative më të gjerë që ka në shenjestër vetë euron”, tha Papandreu duke fajësuar në radhë të parë për gjendjen “pa precedent” të ekonomisë greke politikën vendase. Më parë Papandreu ishte takuar me krerët e partive politike duke siguruar konsensusin e dy partive të së djathtës por jo edhe të së majtës.

 

Komisioni Evropian pritet sot të aprovojë programin grek, për të cilin ministri i jashtëm gjerman Westerwelle që dje vizitoi Athinën shprehu mbështetjen dhe besimin gjerman “në forcat e Greqisë për të kapërcyer krizën”.

BE kërkon nga Greqia masa më të ashpra kursimesh

Komisioni Evropian do të vendosë masa më të rrepta kontrolli ndaj Greqisë me qëllim që Athinën ta detyrojë që të ndërmarrë një kurs më të shpejtë dhe më drastik kursimesh për rimëkëmbjen e buxhetit. Komisioneri evropian për monedhën Joaquin Almunia këtë të mërkurë do të paraqesë edhe një program konkret kursimesh.

Sipas këtij plani, Athina duhet të shkurtojë rrogat në shërbimet publike dhe të ndërpresë punësimet e reja, bëhet e ditur në Bruksel. Deri në fund të vitit 2012, Greqia duhet të ulë nivelin e borxheve nga 13 për qind në nivelin e lejuar sipas standardeve evropiane, në tre për qind.

 

Kriza në Greqi ndikon edhe në stabilitetin e euros. Në samitin ekonomik në Davos, Almunia ka deklaruar para disa ditësh se shteti grek nuk cënohet nga falimentimi dhe se Greqia nuk do të përjashtohet nga zona e euros. 

Kalendari

Ngjarjet e datës 21 Shtator 2020 - Mbahet mbledhja e Qeverisë së Republikë së Kosovës. (Ndërtesa e Qeverisë, ora 8:30)

- Fillon Shkolla Verore e BE-së në të cilën do të shtjellohet temat për zhvillimin ekonomik, qëndrueshmërinë mjedisore dhe shfaqjen e pandemisë globale. (Zyra e Bashkimit Evropian në Kosovë, ora 9:00)

- Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të votohet raporti i panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 10:00)

- Ministrja e Punëve të Jashtme dhe Diasporës, Meliza Haradinaj Stublla takohet me Ambasadorin japonez, Mizutani Akira. (Kabineti i ministres Haradinaj Stublla, ora 10:00 - pa prezencen e mediave)

- Kryeministri i Republikës së Kosovës, Avdullah Hoti, pret në takim delegacionin e Qeverisë së SHBA-ve, të udhëhequr nga Kryeshefi Ekzekutiv i Korporatës Ndërkombëtare të Financave dhe Zhvillimit në SHBA Adam Boehler, të cilit do t’i bashkohet edhe i dërguari special i SHBA-së për dialogun Kosovë - Serbi, Richard Grenell, përfaqësues të USAID, Kryetarin e Bankës së Eksport-Importit të Shteteve të Bashkuara, si dhe zyrtarë të tjerë të lartë të qeverisë nga Departamentet e Energjisë dhe Tregtisë në SHBA. (Ndërtesa e Qeverisë, ora 10:00)
 
- Ministrja e Punëve të Jashtme dhe Diasporës, Meliza Haradinaj Stublla dhe Ambasadori japonez, Mizutani Akira, nënshkruajnë marrëveshjen për donacionin e radhës të Japonisë për Kosovën. (Ministria e Punëve të Jashtme dhe Diasporës, ora 10:30)

-  Komisioni Hetimor Parlamentar lidhur me procesin e privatizimit në Kosovë shqyrton listen e dëshmitarëve, përzgjedh ekspertët e jashtëm si dhe publikon adresën për dorëzimin e dëshmive nga qytetarët. (Ndërtesa e Kuvendit, salla N10, ora 11:00)

- Kryeministri Avdullah Hoti merr pjesë në përurimin e shtatores së Heroit Ahmet Krasniqi, si dhe në inaugurimin e sheshit, i cili do të mbajë emrin e tij. (Sheshi “Ahmet Krasniqi” në Vushtrri, ora 11:00)  

- Mbahet ceremonia e dorëzimit të pajisjeve mjekësore për Sallën e Operacionit dhe Sallën e Lindjes për gratë e infektuara me COVID-19, pajisje këto të financuara nga partneri jonë Raiffeisen Bank në Kosovë dhe AMC. (QKUK, ora 11:00)

- Kryetari i Autoritetit Kosovar të Konkurrencës, Valon Prestreshi, do të takohet me U.D i Kryesuesit të Bordit të Zyrës së Rregullatorit për Energji Arsim Janova, ku do të  nënshkruajnë një Marrëveshje Mirëkuptimi dhe Bashkëpunimi mes dy institucioneve, pas nënshkrimit të marrëveshjes do të ketë konferencë për medie. (Ish-objekti i Bankës së Lubjanës, kati i IV, ora 11:15)

- Seanca plenare e Kuvendit, e ndërprerë të premten do të vazhdojë sot. (Ndërtesa e Kuvendit, ora 13:00)