24 Shtator 2020

Grenell: Komuniteti i biznesit ka rol të rëndësishëm në dialogun Kosovë-Serbi

Prishtinë, 23 janar - Zgjidhja e çështjeve të hapura politike ndërmjet Kosovës dhe Serbisë do të ndihmonte të dyja shtetet në aspektin e zhvillimit ekonomik dhe krijimit të vendeve të punës, ku komunitetet e biznesit duhet të luajnë rolin e tyre në përmbylljen e marrëveshjes përfundimtare ndërmjet të dyja vendeve.

Kjo u tha sot gjatë një takimi të të Dërguarit të Posaçëm Presidencial për Negociatat e Paqes ndërmjet Kosovës dhe Serbisë, Ambasadorit Richard Grenell me përfaqësuesit e biznesit të Odës Ekonomike Amerikane në Kosovë.

Ambasadori Richard Grenell theksoi se Administrata e Presidentit Trump është shumë e fokusuar në krijimin e vendeve të punës nga bizneset amerikane, duke cekur që komuniteti i biznesit është pjesa më e rëndësishme e zgjidhjes së problemit Serbi-Kosovë.

Ai tha se Presidenti Trump e ka inkurajuar atë që të përpiqet ta bartë energjinë e Administratës Trump në dialogun Serbi-Kosovë, sepse afaristët do të jenë ata të cilët do të krijojnë ngazëllim, mundësi për vende të reja të punës, dhe rrjedhimisht do t’u japin të rinjve arsye për të qëndruar në Kosovë.

Ai theksoi se është roli i bizneseve të zgjidhin problemin ndërmjet Kosovës dhe Serbisë dhe se politikanët duhet të lëshojnë rrugë në këtë aspekt, duke shtuar se ideja e tij e fluturimeve komerciale Kosovë-Serbi ka buruar nga një takim i ngjashëm me biznese.

Ai falënderoi Odën Ekonomike Amerikane në Kosovë për të kuptuarit që nga fillimi të rëndësisë së krijimit të vendeve të reja të punës.

Në fund, Ambasadori Grenell inkurajoi të gjitha palët të shikojnë kah e ardhmja në vend të së kaluarës, duke shtuar që komunitetet e biznesit në Kosovë dhe në Serbi po krijojnë një të ardhme më të mirë për popujt në të dyja shtetet.

Liderët afaristë të Odës Amerikane theksuan rëndësinë e një marrëveshjeje përfundimtare ndërmjet Kosovës dhe Serbisë, e cila do të hapte perspektivat e zhvillimit ekonomik, duke përfshirë zgjidhjen e të gjitha barrierave tregtare si dhe çështjet e tjera që lidhen me transportin, të cilat do të përfshinin por nuk do të kufizoheshin vetëm në lidhjen me autostradë dhe hekurudhë ndërmjet dy shteteve, si dhe funksionalizimin e menaxhimit të integruar kufitar dhe njohjen reciproke të dokumentacionit dhe procedurave.  

Kalendari

Ngjarjet e datës 25 Shtator 2020 - Zyra e Koordinatorit për Zhvillim të Kombeve te Bashkuara në bashkëpunim me Kryesinë e Kuvendit ri themelojn Këshillin SDG në Kuvendin e Kosovës. (Kuvendi i Kosovës, oborri para hyrjes kryesore, ora 9:00)

- Vazhdon seanca plenare e Kuvendit te Republikës së Kosovës. (Salla e Kuvendit, ora 10:00)

- Shefi i Grupit Parlamentar të PDK-së, Bedri Hamza, mban konferencë për media. (Hyrja e Kuvendit nga sheshi, ora 10:00)

- Drejtoria për Turizëm dhe Zhvillim Ekonomik, në vazhdën e aktiviteteve të realizuara me rastin e Ditës Botërore të Turizmit do të bëjë prezantimin e raportit të punës së kësaj drejtorie, që nga viti 2018 e deri më sot. (Salla e mbledhjeve të Kuvendit Komunal në Shtëpinë e Bardhë, ora 10:00)  

- Drejtoresha për Kulturë në Komunën e Prishtinës, Blerta Basholli dhe artisti Sislej Xhafa do të mbajnë konferencë për shtyp. (Ndërtesa e vjetër të Komunës, ora 11:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik të aplikimit të Konventës Evropiane për të Drejtat e njeriut dhe jurisprudencës së Gjykatës Evropiane për të Drejtat e Njeriut nga Gjykatat e Republikës së Kosovës. (Hotel Sirius, ora 11:00)

- Mbahet mledhja e jashtëzakonshme e Kuvendit të Shoqatës së ndërmarrjeve që merren me qarkullimin e naftës, derivative të naftës, gazrave dhe lubrifikanteve “SHQNGL”, i ftuar është edhe Ministri i Tregtisë dhe Industrisë Vesel Krasniqi. (Objekti i Odës Ekonomike të Kosovës, ora 11:00)

- Bëhet inaugurimi i veprës "trëndafili i bardhë" nga Sislej Xhafa, që është vepra e parë e projektit "Art në Hapësirë Publike". (Rruga "Andrea Gropa", te "Klubi i Pëllumbave" ora 11:45)

- Konstituohet Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës. (Ndërtesa e Kuvendit, salla C203, ora 12:00)

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Mbahet seanca plenare e Kuvendit te Republikës së Kosovës. (Salla e Kuvendit, ora 13:00)

- Platforma Bashkë-krijuese GërrGërr prezanton programin, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Fillon edicioni i dytë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)