19 Nëntor 2018

Gati gjysma e popullsisë botërore jeton me 5.5 dollarë në ditë

New York, 17 tetor - Pavarësisht përparimit në zvogëlimin e varfërisë ekstreme, gati gjysma e popullsisë në botë jeton me më pak se 5.50 dollarë në ditë, duke shënuar rritje të të varfërve në vendet e pasura, ka thënë Banka Botërore të mërkurën.

Në raportin e dytë vjetor, kjo Bankë ka analizuar më gjerësisht çështjen e varfërisë, ndonëse shifra e personave që jetojnë në varfëri ekstreme, e definuar e tillë kur një person fiton më pak se 1.90 dollarë në ditë ka vazhduar të ulet në vjetët e fundit.

Bazuar në të gjeturat e raportit të fundit, varfëria në nivel global është ende në nivel të tejet të lartë, pasi rritja ekonomike nuk ka qenë e njejtë për të gjitha rajonet dhe shtetet.

Sipas Bankës, numri i përgjithshëm i personave që jetojnë në varfëri ka rënë në më shumë se 68 milionë persona në mes të viteteve 2013 dhe 2015.

Mirëpo pavarësisht përparimit, në raport është thënë se trendet aktuale tregojnë se synimi i Bankës Botërore për të ulur nivelin e varfërisë ekstreme në më pak se tre për qind të popullësisë botërore, mund të jetë i paarritshëm.

Me një vlerë ditore prej 5.50 dollarëve në ditë, varfëria globale ka rënë në 46 për qind nga 67 për qind në periudhën e vitetve 1990-2015.

Po kjo Bankë ka raportuar muajin e kaluar se varfëria ekstreme ka rënë në 10 përqind në 2015, ndonëse ka njoftuar edhe një herë se në disa shtete nuk është nuk u ndarë në mënyrë të barabartë rritja ekonomike.

Kalendari

Ngjarjet e datës 19 nëntor 2018 - Kuvendi i Republikës së Kosovës shënon Diten e Konventës Ndërkombëtare për të Drejtat e Fëmijëve.(Ndërtesa e Kuvendit, salla C 405, ora 10:00)

- Kryeparlamentari Kadri Veseli merr pjesë në Ditën e Konventës Ndërkombëtare për të Drejtat e Fëmijëve. (Ndërtesa e Kuvendit, salla C 405, ora 10:00)

- Mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 11:00)

- Programi i Kombeve të Bashkuara për Zhvillim do të përurojë impiantin i për trajtimin e ujërave të zeza në vise rurale në fshatin Kramovik, Komuna e Rahovecit. (Fshati Kramovik, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të marrë pjesë në ceremoninë e inaugurimit të Impiantit për Trajtimin e Ujërave të Zeza - moçalishtë e ndërtuar në Kramovik të komunës së Rahovecit. (Fshati Kramovik, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Ferizajt, Agim Aliu për avansimin e pozitës së të rinjve në sport, kreativitet kulturor dhe mendim kritik dhe në dituri. (Objekti i Komunës së Ferizajt, ora 11:00)

- Kryeparlamentari Kadri Veseli merr pjesë në mbledhjen e Kryesisë së Kuvendit. (Ndërtesa e Kuvendit, salla C 301, ora 11:00)

-  Mbahet ceremonia e nënshkrimit të marrëveshjes së bashkëpunimit ndërmjet Ministrisë së Integrimit Evropian dhe Norvegjisë, me ç’rast nënshkruhet projekti përkrahës i Norvegjisë për ngritjen e kapaciteteve të shërbyesve civilë për zbatimin e MSA-së. (Ndërtesa e Qeverisë, salla e Konferencave P-32, ora 11:00)

- Mbahet sesioni informues i thirrur nga  Fondi i Ballkanit Perëndimor e cila është thirrja e dytë me radhë për propozimet e projekteve rajonale. (Ambientet e Ministrisë së Punëve të Jashtme, ora 11:00)

- Kryeparlamentari Kadri Veseli pret në takim të përbashkët ministrin e Financave, ministrin e Drejtësisë dhe kryeshefin e Agjencisë Kundër Korrupsionit në Kosovë. (Kabineti i Kryeparlamentarit, ora 13:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Shtime. (Shtëpia e Kulturës në Shtime, ora 16:00)
 
- Kryetari i Nismës Socialdemokrate, Fatmir Limaj, mban takim me të rinjtë e Nismës në Lipjan. (Golden Day në Lipjan, ora 18:00)

- Galeria Kombëtare e Kosovës organizon hapjen e ekspozitës “Muzeu i tri pikave” të artistit Lulzim Zeqiri. (Galeria Kombëtare e Kosovës, ora 20:00)