12 Gusht 2020

FSSHC reagon ndaj pretendimeve për ulje të pagave të shërbyesve civilë

Prishtinë, 23 prill - Federata e Sindikatave të Shërbyesve Civilë (FSSHC), pas sinjalit nga udhëheqës të institucioneve qeveritare, respektivisht të Ministrisë së Financave dhe Transfereve për mundësinë e uljes së pagave të shërbyesve civilë nga qeveria për shkak të pandemisë COVID-19, kërkon që shërbyesit civilë të trajtohen me dinjitet dhe të mos dëmtohen financiarisht.

Dihet mirë se shërbyesit civilë janë ata që deri më tani kanë mbajtur qëndrueshmëri institucionale të shtetit të Kosovës, përkundër barrës që kanë në funksionimin dhe profesionalizimin e institucioneve shtetërore.

Edhe tani ata janë duke shërbyer në çdo formë, që funksionimi i institucioneve të jetë i qëndrueshëm edhe përkundër rrethanave të krijuara nga COVID-19.

Për këtë ua bëjmë me dije vendimmarrësve se shërbyesit civilë edhe ashtu janë të diskriminuar në paga në raport me disa institucione tjera, që marrin mjetet financiare nga buxheti i Kosovës.

Andaj kërkojmë të mos merret asnjë veprim që dëmton mirëqenien ekonomike të shërbyesve civilë, sepse do të ketë reflektime me veprime sindikale.

Deri më tani udhëheqësit institucionalë nuk kanë marrë asnjë veprim për të marrë opinionet dhe sugjerimet e organizatave sindikale të shërbyesve civilë për të analizuar apo për të përmirësuar gjendjen e përgjithshme të kësaj kategorie në bazë të standardeve socio-ekonomike.

Ndërsa, tani dikush mundohet që pa pasur kurrfarë koordinimi me sindikatat të prekin pagat e tyre, e që kjo do të jetë e pa tolerueshme, kur dihet se pagat në sektorin administratës shtetërore janë të bazuara në norma juridike të Republikës së Kosovës dhe njëkohësisht të mbrojtura edhe me të drejtat universale ndërkombëtare të punës.

Prandaj, FSSHC-ja i konsideron të padrejta dhe si të tilla të papranueshme vendimet që prekin interesin e shërbyesve civilë.

FSSHC-ja do të jetë gjithherë e përkushtuar për avancimin e pozitës dhe mbrojtjen e të drejtave të shërbyesve civilë në institucionet e Republikës së Kosovës, duke bashkëpunuar me të gjithë mekanizmat institucionalë dhe shoqërorë.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)