28 Shtator 2020

Franca dhe Gjermania me plan ekonomiko-politik për 2020

Paris, 6 shkurt - Nikolas Sakozi dhe Angela Merkel pritet të shpalosin strategjinë e tyre ekonomike dhe politike, një dokument i quajtura “Axhenda franko-gjermane 2020”. Kjo axhendë do të synojë që të bëjë disi të dukshëm partneritetin të shumëreklamuar, por problematik të vendeve të Bashkimit Europian.

Plani përmban 80 masa të veçanta dhe varion nga çështjet ekonomike dhe iniciativat fiskale e deri te tentativa për të pasur një unifikim të teksteve shkollore dhe rregulla shumë më të thjeshta për sa u përket martesave franko-gjermane. Ky draft do të publikohet në fund të këshillit të përbashkët ministerial mes të dyja vendeve, që do të drejtohet nga Sarkozi dhe Merkel, njëherazi në pallatin Elise.

Të dy liderët në të shkuarën kanë pasur mosmarrëveshje në lidhje me disa çështje e masa të rikuperimit ekonomik. Sarkozi ka qenë në mbështetje të një pakete të gjerë stimuli ekonomik, ndërsa Merkel besonte se kjo duhej bërë në nivel kombëtar dhe sipas specifikave të ekonomive përkatëse.

Në takimin e zhvilluar dje në orët e vona, shënohen edhe 100 ditët e para të mandatit të dytë të Merkelit si Kancelare e Gjermanisë, si dhe udhëtimin e saj të parë që nga ky mandat i ri. Me anë të këtij udhëtimi, ajo kërkon që të tregojë se partneriteti mes Gjermanisë dhe Francës është sërish në rend të ditës dhe se po vazhdon.

“Ne duam që të shohim në vitet e ardhshme se si mund të ndërmarrim iniciativa të përbashkëta në lidhje me çështje të rëndësishme", ka bërë të ditur Merkel. Ideja e organizimit të një sesioni ndërministror mes të dy kabineteve qeveritare është një ide e të dyja palëve.

Sarkozi, nga ana e tij, ka vënë në dispozicion të këtij takimi dhomën e famshme Murat, e njëjta dhomë në të cilën mblidhen ministrat e kabinetit të tij çdo ditë të hënë. Plani në vetvete është i shtrirë në 5 tema, ndër më të rëndësishmet e të cilëve mund të përmendim politikën fiskale dhe ekonomike.

Pritet që në vijim dhe shumë shpejt të organizohet një observator i përbashkët i politikave ekonomike. Kjo axhendë, për sa i përket arsimit, parashikon dyfishimin e numrit të kolegjeve dhe gradave të doktoraturës në universitetet franko-gjermane.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës ku me pas do të ketë edhe konferencë për media. (Ndërtesa e Qeverisë, ora 8:30)

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

- Valbon Krasniqi, ud. drejtor i përgjithshëm i ShSKUK-së dhe Ministri i Shëndetësisë, Armend Zemaj mbajnë konferencë për medie, në lidhje me rikthimin e shërbimeve shëndetësore, përfshirë punën e ambulancave specialistike, operacioneve jo emergjente dhe shërbimeve tjera elektive. (Para objektit të  administratës së ShSKUK-së ora 10:00)

- Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)

- Fillon java e tretë e programit publik në Festivalin e Arkitekturës në Kosovë. (Drejtperdrejt në faqen facebook-ut të Festivalin e Arkitektures, ora 18:30)