16 Dhjetor 2018

Forumi Ekonomik Kosovë-Slloveni propozon zonë ekonomike sllovene

Prishtinë, 13 mars - Në praninë e Zëvendëskryeministrit të Parë dhe Ministrit të Punëve të Jashtme, Behgjet Pacolli, dhe homologut të tij slloven, Zëvendëskryeministrit dhe Ministrit të Punëve të Jashtme, Karl Erjavec, është nënshkruar sot në Prishtinë,  Protokolli i sesionit të parë në kuadër të Forumit Ekonomik Kosovë-Slloveni.

Me anë të këtij protokolli synohet të rritet bashkëpunimi ekonomik dhe tregtar ndërmjet dy shteteve. Nënshkrimi i këtij protokolli është bërë nga përfaqësuesi i palës kosovare, Guner Ureya dhe përfaqësuesja e palës sllovene, ambasadorja, Alenka Suhadolnik.

Gjatë prezantimit të tij në këtë ngjarje, Zëvendëskryeministri i Parë dhe Ministri i Jashtëm, Behgjet Pacolli, ka theksuar se “politika ka kuptim vetëm nëse ka mbështetje nga ekonomia e shëndoshë”.

Ai, tutje ka vlerësuar lartë bashkëpunimin tregtarë të tashëm ndërmjet Sllovenisë dhe Kosovës, ndërkohë ka bërë thirrje që të ketë ngritje të mëtejme të shkëmbimeve tregtare.

“Unë do të doja, që të kemi bashkëpunim edhe më të madh ekonomik me Slloveninë. Pse mos të kemi një Zonë Ekonomike vetëm sllovene”, ka thënë Ministri Jashtëm Pacolli, duke inkurajuar bizneset sllovene të konsiderojnë tregun e Kosovës.

Nga ana e tij, Zëvendëskryeministri dhe Ministri i Jashtëm slloven, Karl Erjavec, ka thënë se diplomacia ekonomike është një faktor shumë i rëndësishëm i politikës së jashtme.

Sipas tij, Kosova për Slloveninë është partner shumë i rëndësishëm ekonomik. “Sllovenia mbetet një mbështetës i madh i Kosovës në rrugën evropiane. Bashkëpunimi ekonomik ndërmjet dy shteteve është shumë i rëndësishëm”, ka thënë kryediplomati slloven.

Para nënshkrimit të këtij protokolli, kryetari i Odës Ekonomike të Kosovës, Safet Gerxhaliu, dhe ai i Odës sllovene, Ante Millovoj kanë folur për bashkëpunimin e deritashëm ekonomik dhe synimet e bizneseve të të dyja vendeve për të ardhmen. 

Kalendari

Ngjarjet e datës 17 dhjetor 2018 - Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të shqyrtimi i raportit me rekomandime për Projektligjin për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N 303, ora 11:00)

- Qendra Kosovare për Studime të Sigurisë mbanë konferecën e cila ka për qëllim lansimin e të gjeturave të Barometrit Kosovar të Sigurisë - Edicioni Special mbi Politikën e Jashtme dhe Dialogun me Serbinë. (Hotel Sirius, ora 10:00)

-  Mbahet takimi i Shoqatës së Transportit rrugor të udhëtarëve, ku temë diskutimi do te jetë; Problemet në Stacionin e Autobusëve në Prishtinë, ngritja e çmimit të peronizimeve. (Objekti i Odës Ekonomike të Kosovës, ora 10:00) 

- Aleanca Kosovare e Bizneseve dhe Qendra Tregtare " Viva Fresh Store “- Ferizaj organizon hapjen e Ekspozimit dhe Promovimit të Prodhimeve Vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU? (Objekti i Qendrës Tregtare dhe Viva Fresh Store në Ferizaj afër policisë, ora 12:00)

- Komisioni për Administratë Publike, Qeverisje Lokale dhe Media takohet me bordin e Radio Televizionit te Kosovës. (Ndërtesa e Kuvendit, salla N204, ora 13:00) 

- Mbahet mbledhja e Komisionit për Punë të Jashtme, Diasporë dhe Investime Strategjike në të cilën do të shqyrtimi i draft Strategjisë për bashkëpunim ndërkombëtar dhe marrëdhëniet ndërparlamentare dhe shqyrtimi i draft Raportit nga mbikëqyrja e zbatimit të Ligjit për Diasporën dhe Mërgatën. (Ndërtesa e Kuvendit, salla N 302, ora 13:00) 

- Kosovo 2.0 organizon bisedë për zhvillimin e kampanjave të suksesshme të avokimit për të drejtat e njeriut me drejtorin e Fushatave për Evropë në Amnesty International, Fotis Filippou. (Hapësira e K2.0, mbrapa Furra Qerimi 1, ora 18:00)