23 Janar 2019

Fondacioni Soros mbyll e zyrën e tij në Budapest

Budapest, 16 maj - Fondacioni i miliarderit amerikano-hungarez George Soros tha sot se po e mbyll zyrën që ka në Budapest dhe po i transferon operacionit në Berlin, për shkak të “një mjedisi gjithmonë me më tepër shtypje politike dhe ligjore në Hungari”, sipas deklaratës së organizatës.

Fondacionet për shoqëri të hapura theksojnë në deklaratë se në Paralmentin e ri të Hungarisë pritet të jetë përparësi vendosja e kufizimeve ndaj organizatave jo-qeveritare.

Qeveria e kryeministrit Viktor Orban ka mbështetur ligjin e quajtur “Ndaloni Sorrosin”, që përfshin vendosjen e taksave dhe ndalimin e organizatave jo fitimprurëse të angazhuara me imigracionin.

Qeveria hungareze ka cituar shqetësime për sigurinë kombëtare dhe kryeministri Orban e ka akuzuar Sorosin se përpiqet për të minuar identitetin kulturor të Europës, duke punuar për të sjellë në koninent një numër të madh imigrantësh.

Fondacionet për shoqëri të hapura janë zotuar se do të vazhdojnë të mbështesin grupe të shoqërisë civile në Hungari, që merren me artin, lirinë e medias, transparencën, arsimin dhe shërbimin shëndetësor.

Kalendari

Ngjarjet e datës 24 janar 2019 - Projekti i financuar nga Bashkimi Evropian “Mbështetje Kodit Civil – faza 2”, i cili po mbështetë Ministrinë e Drejtësisë organizon ngjarjen “Rruga drejt një Kodi Civil modern të Kosovës,”. (Amfiteatri i Madh në ndërtesën e re të Qeverisë, ora 9:30)

- Shefja e Zyrës së BE-së në Kosovë, Nataliya Apostolova do të marrë pjesë në ceremoninë e dorëzimit të Kodit të ri Civil për Kosovën në Ministrinë e Drejtësisë. (Amfiteatri i Madh në ndërtesën e re të Qeverisë, ora 10:00)

- Ministria e Mbrojtjes dhe Ushtria e Kosovës organizojnë aksionin humanitar për dhurimin vullnetar të gjakut për nevojat e Qendrës Kombëtare të Kosovës për Transfuzion të Gjakut. (Komanda e  Forcave Tokësore të FSK-së, kazerma “Adem Jashari” në Prishtinë, ora 10:00)

- Ministri i Infrastrukturës dhe Transportit, Pal Lekaj pret në takim kryetarin e komunës së Prishtinës, Shpend Ahmeti, me të cilin do të nënshkruaj marrëveshje bashkëpunimi. (Kabineti i ministrit te Infrastrukturës dhe Transportit, ora 10:00)

- Lëvizja Vetëvendosje! shënon 100 vjetorin e vdekjes së Ismail Qemalit me homazhe tek shtatorja në Prishtinë. (Prishtinë, ora 10:30)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesën e Rektorëve të Universiteteve Publike rreth programeve të pa akredituara. (Ndërtesa e Kuvendit, salla N 303, ora 11:00)

- Me rastin e 90 vjetorit të lindjes së regjisores së mirënjohur të kinemasë shqiptare Xhanfise Keko, nën patronatin e Ministrisë së Kulturës dhe Ambasadës së Shqipërisë, do të shfaqet premierë filmi dokumentar "Koha e pelikulës" i regjisorit Mevlan Shanaj, dedikuar artistes që ia kushtoi krijimtarinë, botës së madhe të fëmijëve të vegjël. (Kino ABC, ora 11:00)
 
- Kryeministri Ramush Haradinaj vizitë pune në ndërmarrjen “Fox Marble”. (Fshati Poturovc në Lipjan, ora 12:30)

- Komisioni për Punë të Jashtme, Diasporë dhe Investime Strategjike, do të mbajë mbledhjen e radhës, në të cilën do te shqyrtohet draft-Planit të punës së Komisionit për vitin 2019. (Ndërtesa e Kuvendit, salla N-302, ora 13:00)

- Mbahet takimi i përbashkët i Këshillit Gjyqësor të Kosovës dhe Këshillit Prokurorial të Kosovës. (Objekti i Sekretariatit të Këshillit Gjyqësor të Kosovës, Rr. “Luan Haradinaj”, ora 14:30)