12 Gusht 2020

FMN e gatshme të ndihmojë Kosovën me financim shtesë

Prishtinë, 24 prill - Në vazhdimësinë e takimeve virtuale të Takimeve Pranverore 2020 me Fondin Monetar Ndërkombëtar, me qëllim të diskutimit të gjendjes aktuale të shkaktuar nga pandemia COVID-19, Guvernatori Mehmeti dhe Ministri në detyrë i Financave dhe Transfereve z.Bislimi në një konferencë virtuale takuan Drejtorin e Departamentit për Evropë të Fondit Monetar Ndërkombëtar z. Poul M. Thomsen.

Fondi Monetar Ndërkombëtar (FMN) ka siguruar mbështetje të konsiderueshme përmes Instrumentit për Financim të Shpejtë, në vlerë prej 52 milionë eurosh për Kosovën.

Duke monitoruar për së afërmi zhvillimet në Kosovë, FMN-ja do të vazhdojë të sigurojë mbështetje për t'iu përgjigjur sfidave me të cilat do të ballafaqohet ekonomia e Kosovës.

Gjatë takimit Thomsen u njoftua me zhvillimet e fundit ekonomike në Kosovë dhe u informua më detajisht me masat ekonomike tashmë të ndërmarra dhe atyre të planifikuara nga Ministria e Transfereve dhe Financave, si dhe me masat e ndërmarra nga Banka Qendrore e Republikës së Kosovës, lidhur me zbutjen e krizës të shkaktuar nga COVID-19.

Rrjedhimisht masat e ndërmarra nga Qeveria e Republikës së Kosovës dhe Banka Qendrore janë vlerësuar si të përshtatshme dhe masa të cilat do të mund të kontribuojnë për t’u ballafaquar me tronditjet e shkaktuara nga COVID-19.

Gjatë këtij takimi u theksua se situata e shkaktuar nga COVID-19  këtë vit do të rezultojë në rënien e të gjitha ekonomive në nivel global. Megjithatë, rënia e ekonomisë në Kosovë dhe ekonomive në zhvillim, në përgjithësi do të jetë më e ulët në krahasim me atë që pritet në ekonomitë e zhvilluara.

Ekonomia e Kosovës ka pasur rritje solide ndër vite dhe shëndeti i sektorit financiar është i qëndrueshëm.

Fokus të posaçëm në diskutim kishin edhe sfidat që gjenden përpara, pas tejkalimit të pandemisë dhe mundësitë për rimëkëmbje ekonomike.

Rrjedhimisht, Thomsen shprehu gadishmërinë që FMN të ndihmojë Kosovën me financim shtesë nëse do të jetë e nevojshme në fazat e mëvonshme.

Guvernatori Mehmeti dhe Ministri  në detyrë Bislimi falënderuan z. Thomsen për përkrahjen dhe qasjen proaktive dhe i siguruan bashkëpunim të ndërsjellë në raport me adresimin e sfidave me të cilat po ballafaqohet Kosova në këtë kohë pandemie.  


 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)