29 Tetor 2020

FMN e gatshme për të gjetur mënyra për të forcuar bashkëpunimin me Kosovën

Washington, 19 shtator - Ministrja e Financave, Hykmete Bajrami, u takua me Alfred Kammer, Drejtor i Departamentit Evropian në FMN, në Uashington.

Fokusi i diskutimeve ishte ndikimi i pandemisë COVID-19 në shoqërinë dhe ekonominë e Kosovës.

Gjatë këtij takimi, Ministrja Bajrami dhe Kammer diskutuan për mënyrat e forcimit të bashkëpunimit veçse të shkëlqyeshëm ndërmjet Republikës së Kosovës dhe FMN-së, duke përfshirë mundësinë e një programi të ri që do të kishte për qëllim mbajtjen e stabilitetit makro-financiar dhe mbështetjen e përpjekjeve të Kosovës për trajtimin e pandemisë.  

Ministrja Bajrami diskutoi mbi angazhimin e Qeverisë në menaxhimin e ndikimit të pandemisë në financat publike dhe mënyrat për të mbështetur rimëkëmbjen ekonomike, si dhe inicimin e reformave strukturore.

Ajo falënderoi FMN-në për mbështetjen e saj përgjatë viteve, përfshirë përmes Instrumentit të Financimit të Shpejtë, i cili u disbursua me shpejtësi në periudhën e shpërthimit fillestar, në muajin prill.

Ajo gjithashtu rikonfirmoi zotimin e Kosovës për thellimin e mëtejshëm të bashkëpunimit me FMN-në.

Nga ana tjetër, Kammer përgëzoi autoritetet kosovare për përpjekjet e tyre për trajtimin e sfidave socio-ekonomike si pasojë e pandemisë, si dhe përsëriti gatishmërinë e FMN-së për të gjetur mënyra për të forcuar bashkëpunimin me Kosovën në mbështetje të përpjekjeve të saj në ruajtjen e stabilitetit makro-fiskal dhe avancimin e reformave për përmirësimin e perspektivës afatgjate ekonomike të Kosovës.

Kalendari

Ngjarjet e datës 29 Tetor 2020 - Open Data Kosovo në bashkëpunim me Zyren për Qeverisje të Mirë lanson projektin “Iniciativa për Qeverisje të Hapur dhe të Mirë”, të financuar nga programi MATRA 2020 në kuadër të Ambasadës së Mbretërisë së Holandës në Kosovë. (Hotel Sirius, ora 9:30)

- Vazhdon seanca plenare e Kuvendit te Republikës së Kosovës. (Ndërtesa e Kuvendit, ora 10:00)

- Kryeministri Avdullah Hoti së bashku me Zëvendëskryeministrin e parë Besnik Tahiri, merr pjesë në tryezën “Reforma e administratës publike: Shtytja e saj përpara”. (Ndërtesa e Qeverisë, ora 10:00)

- Ministrja e Kulturës, Rinisë dhe Sportit Vlora Dumoshi do të vizitojë Komunën e Ferizajt ku do te takohet me Kryetarin e Komunës, Agim Aliu. (Zyra e Kryetarit të Komunës, ora 10:00)

- Mbahet mbledhja e Këshillit Komunal për Siguri në Bashkësi, e thirrur nga kryetari i Komunës së Prizrenit, Mytaher Haskuka. (Salla e mbledhjeve të Kuvendit, në Shtëpia e Bardhë, ora 10:00)

- Mbahet takimi i 188-të i Këshillit Prokurorial të Kosovës. (Takimi do të organizohet nëpërmjet video konferencës, ora 10:00)

- Mbahet mbledhja e dhjetë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00) .

- Ministri i Infrastrukturës, Arban Abrashi, do të pres në takim ministrin e Transportit të Maqedonisë së Veriut, Blagoj Boçvarski. (Ndërtesa e Qeverisë së Kosovës, salla P-37​, ora ora 10:30)

- Ministrja e Kulturës, Rinisë dhe Sportit Vlora Dumoshi do të vizitojë punimet në ndërtimin e Pallatit të Kulturës. (Afër Qendrës së Inovacionit në Ferizaj, rruga "Brahim Ademi", ora 10:40)
 
- Ministrja e Kulturës, Rinisë dhe Sportit Vlora Dumoshi pruron fushat e tenisit. (Afër Palestrës së Sporteve "Bill Clinton" në Ferizaj, ora 11:00)

- Mbahet seanca plenare e Kuvendit te Republikës së Kosovës. (Ndërtesa e Kuvendit, ora 11:00)

- Ministri i Infrastrukturës, Arban Abrashi dhe ministri i Transportit të Maqedonisë së Veriut, Blagoj Boçvarski mbajnë konferencë për medie. (Salla e konferencave në Qeveri të Kosovës, ora 11:15)

- Zëvendëskryeministri Besnik Tahiri viziton Komunën e Rahovecit. (Komuna e Rahovecit, ora 13:00)