28 Mars 2024

Fillon rianketimi i pronave të paluajtshme në Kosovë

Prishtinë, 12 korrik - Ministria e Ekonomisë dhe Financave - Departamenti i Tatimit në Pronë, njofton se së shpejti do të filloj të implementoj projektin e rianketimit të pronave ekzistuese, i cili do të filloj gjatë muajit korrik 2010 dhe do të përfundoj në gjashtë mujorin e parë të vitit 2011.

Me ligjin për Tatimin mbi pronën e paluajtshme në Kosovë 2003/29 është paraparë që komunat të shqyrtojnë dhe të përcjellin vlerën e tregut të çdo prone që është nën juridiksionin e tyre për çdo tre ose pesë vjet. Për këtë arsyeje do të bëhet mbledhja e informatave shtesë të kualitetit të pronave ekzistuese, në mënyrë që tatimi në pronë të jetë më i drejtë.

Qëllimi i projektit është: verifikimi dhe përmirësimi i të dhënave të përdorimit të pronave; identifikimi i pronave të reja; ndërtimi i një modeli të ri të vlerësimit të pronave i bazuar në kritere dhe kualitet.

Gjatë procesit të rianketimit do të mblidhen të dhëna e nevojshme për përcaktimin e vlerës së pronës, në mënyrë që tatimpaguesve të ju dërgohet fatura me vlerë të re në vitet vijuese.

Përmes inspektimit të pronave nga jashtë do të mblidhen të dhënat e kualitetit të objektit dhe do të përfshihen të dhënat e karakteristikave të jashtme siç janë: materiali ndërtimor, kualiteti i ndërtimit, fasadën, formën e kulmit, materialin e kulmit, madhësia e pronës, përdorimi i saj, qasja në rrugë nga prona e juaj etj.

Rianketimi do të bëhet sipas regjioneve me këtë radhitje:

Regjioni i Prishtinës me përjashtim të qytetit të Prishtinës (Gllogoc, Lipjan, Obiliq, Podujevë, Graçanicë).

Regjioni i Mitrovicës (Mitrovicë, Vushtrri, Skenderaj).

Prishtinë

Regjioni i Prizrenit (Prizren, Mamushë, Suharekë, Rahovec, Malishevë, Dragash).

Regjioni i Pejës (Pejë, Deçan, Istog, Klinë, Junik, Gjakovë).

Regjioni i Gjilanit (Gjilan, Ferizaj, Viti, Shtërpcë, Novobërdë, Kamenicë, Kaçanik, Hani i Elezit, Ranillug, Kllokot).

Rianketimi fillimisht është testuar në komunën e Shtimes dhe Fushë Kosovës si pilot-projekt dhe tani janë marrë të gjitha masat e nevojshme për të evituar çdo problem të mundshëm.

Projekti i rianketimit financohet nga MEF-i dhe SIDA Suedeze

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)