12 Gusht 2020

Feith: Se shpejti rezultate në luften kunder korrupsionit

Bruksel, 22 qershor - Përfaqësuesi i Posaçëm i BE-së për Kosovën, Pitër Feith, para Komitetit për Politikë të Jashtme të Parlamentit të Evropës tha se ngecja e vazhdueshme sociale dhe ekonomike e Kosovës, administrata e korruptuar dhe qeverisja e dobët, janë disa nga problemet që e karakterizojnë Qeverinë dhe Kosovën.

“Sistemi gjyqësor duhet të vazhdojë ta përmirësohet për të mundësuar forcimin e sundimit të ligjit. Korrupsioni i pranishëm, pamundësia për t’i tërhequr investitorët, e qeverisja e dobët, janë sfida për të gjithë në Kosovë dhe, zotërinj të nderuar, nuk mund të jenë premtuese për të ardhmen evropiane të Kosovës”, ka thënë Feith.

Ai më tej ka shtuar se BE-ja dhe EULEX-i kanë forcuar angazhimin në terren,  veçmas në adresimin e korrupsionit edhe në nivelet më të larta të qeverisë, duke e bërë të qartë se askush nuk është mbi ligjin. Duke folur për prokurimin, Faith ka thënë se ai edhe më tej është nën standardin e kërkuar ndërkombëtar me gjithë përpjekjet e Qeverisë. Shefi i ICO-së, ka folur edhe për progresin e arritur, veçmas në pjesëmarrjen gjithnjë e më të madhe të serbëve të Kosovës në zgjedhjet lokale.

Në takimin e tretë me Komitetin për politikë të Jashtme, që kur ka marrë detyrën e Përfaqësuesit të Posaçëm të BE-së, Feith tha se të dyja palët kanë shfaqur gatishmërinë e tyre për t'u angazhuar në dialog.

Duke iu referuar situatës në veriun e Kosovës, Feith tha se ajo është e paqëndrueshme dhe e karakterizuar nga stagnimi ekonomik dhe një administratë e korruptuar.

Ai tha se Kosova është një hapësirë unike dhe shpalosi dy objektiva për veriun e Kosovës: njëra, qasja thelbësore e autoriteteve të Kosovës duke ofruar përmirësim të vërtetë duke shtrirë një qeverisje lokale efikase dhe e dyta pranimi dhe pjesëmarrja vullnetare e të gjitha komuniteteve që jetojnë në atë pjesë të Kosovës.

Por Feith tha se bashkësia ndërkombëtare ka një përgjegjësi për t'i bërë të gjitha palët së bashku.

Duke folur për një periudhë të ardhshme, Feith vlerësoi lartë zgjedhjet lokale të organizuara në Kosovë dhe posaçërisht pjesëmarrjen e serbëve lokalë në Kosovë duke e vlerësuar këtë si hap drejt ndërtimit të një vendi demokratik dhe shumëkombësh.

Ai para Komitetit theksoi se vendimi i Gjykatës Ndërkombëtare të Drejtësisë do të hapë mundësi për shtimin e kontakteve ndërmjet Prishtinës e Beogradit.

Ai tha se beson që Beogradi dhe Prishtina duhet të shfrytëzojnë këtë mundësi për të diskutuar për çështjet praktike, të cilat kanë interes të përbashkët që t'i zgjidhin.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)