05 Gusht 2020

Ekonomia e BE-së do të tkurret 8.3 për qind për shkak të COVID-19

Bruksel, 7 korrik - Komisioni Evropian parashikon se ekonomia e BE-së do të tkurret për 8.3 për qind këtë vit për shkak të pandemisë së koronavirusit.

KE-ja publikoi raportin "Parashikimet Ekonomike të Verës 2020". Në raportin me titull "Stagnimi i thellë me dallime të gjera", Eurozona në vitin 2020 do të tkurret me 8.7 për qind ndërsa në vitin 2021 do të ketë një rritje prej 6.1 për qind.

Sipas raportit, ekonomia e BE-së në vitin 2020 do të tkurret me 8.3 për qind ndërsa në vitin 2021 do të rritet me 5.8 për qind.

Raporti parashikon se ekonomitë mbizotëruese të Evropës këtë vit do të tkurren si në vijim:

"Gjermani 6.3 për qind, Francë 10.6 për qind, Itali 11.2 për qind, Spanjë 10.9 për qind, Holandë 6.8 për qind, Belgjikë 8.8 për qind, Greqi 9 për qind dhe Austri 7.1 për qind".

Norma e inflacionit, sipas raportit, këtë vit do të jetë 0.6 për qind në BE dhe 0.3 për qind në Eurozonë. Në raport thuhet se ekonomia e BE-së do të pësojë recesion të thellë këtë vit për shkak të heqjes së ngadalshme të kufizimeve që ndikojnë në aktivitetet ekonomike.

Parashikimet në fjalë bazohen në supozimet në vazhdimin e lirimit të masave kufizuese dhe se nuk do të ketë valë dytë.

Gjithashtu raporti bëri të ditur se zhvillimi i një vaksine të shpejtë për COVID-19 dhe pranimi i programës së rimëkëmbjes së përgatitur nga KE-ja nga shtetet anëtare do të ketë ndikime pozitive.

"Pandemia ndikoi më fortë se sa pritej ekonominë e Evropës", tha komisari i bllokut për Ekonominë, Paolo Gentiloni.

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00)